LDL என்னும் கெட்ட கொலஸ்ட்ராலை எரித்து... இதயத்தை காக்கும் சூப்பர் பானங்கள்

இன்றைய காலகட்டத்தில், முதியவர்களை விட இளம் வயதினர் மாரடைப்பு மற்றும் இதய நோய் காரணமாக இறப்பதை பற்றி அடிக்கடி கேள்விப்படுகிறோம். இதற்கு முக்கிய காரணம் கொலஸ்ட்ரால். எனவே எச்சரிக்கையுடன் இருப்பது  அவசியம். கொலஸ்ட்ரால் அளவை கட்டுப்படுத்துவதில் உணவு முக்கிய இடம் வகிக்கிறது என்பதை நினைவில் கொள்ள வேண்டும்.

உடல் ஆரோக்கியத்திற்கு மிகவும் அச்சுறுத்தலாக உள்ள கொலஸ்ட்ரால் அளவை கட்டுப்படுத்த காலையில் வெறும் வயிற்றில் குடித்து வருவது பலன் தரும். நரம்புகளில் சேர்ந்துள்ள கெட்ட கொலஸ்ட்ரால் குறைக்கவும், வெறும் வயிற்றில் குடிக்க வேண்டிய ஆரோக்கிய  பானங்களை அறிந்து கொள்ளலாம்.

நெல்லிக்காய் ஜூஸ்: நெல்லிக்காய் சுமார் 100 விதமான நோய்களுக்கு மருந்தாக உள்ளது என குறிப்பிடப்பட்டுள்ளது. பல வழிகளில் ஆரோக்கியத்திற்கு நன்மை பயக்கும் இதனை உட்கொள்வது கொலஸ்ட்ராலை சிறப்பாக கட்டுப்படுத்தும்.

வெந்தய நீர்: வெந்தய தண்ணீரில் ஊற வைத்து காலையில் குடிக்கலாம். ஒரு ஸ்பூன் வெந்தயத்தை இரவு முழுவதும் ஒரு கிளாஸ் தண்ணீரில் ஊறவைத்து, அதை வடிகட்டி காலையில் குடிப்பது நல்லது. இதில் உள்ள கரையக்கூடிய நார்ச்சத்து கெட்ட கொலஸ்ட்ராலை எரிக்கிறது. 

இஞ்சி மற்றும் எலுமிச்சை சாறு: இஞ்சி மற்றும் எலுமிச்சை சாறு கலந்து பானம்  கொலஸ்ட்ராலை எரிக்க சிறந்தது. வைட்டமின் சி மற்றும் ஆன்டிஆக்ஸிடன்ட்கள் எலுமிச்சையில் காணப்படுகின்றன. அதே சமயம் இஞ்சியில் ஆன்டிஆக்ஸிடன்ட்கள் மற்றும் அழற்சி எதிர்ப்பு பண்புகள் உள்ளன. இது கெட்ட கொழுப்பின் அளவைக் குறைக்கிறது.

கிரீன் டீ: எல்டிஎல் கொழுப்பைக் குறைப்பதில்  க்ரீன் டீ  மிகவும் நன்மை பயக்கும். இதில் உள்ள ஆக்ஸிஜனேற்ற பண்புகள் கெட்ட கொலஸ்ட்ராலை  எரிப்பதோடு மட்டுமின்றி நல்ல கொலஸ்ட்ராலையும் அதிகரிக்கும்.

பூண்டு நீர்: ஒரு கிளாஸ் வெந்நீரில் 2 பல் பூண்டை நசுக்கி போட்டு காலையில் குடிப்பது இதய ஆரோக்கியத்தை பன்மடங்கு மேம்படுத்தும். பூண்டில் பாக்டீரியா எதிர்ப்பு மற்றும் அழற்சி எதிர்ப்பு பண்புகள் காணப்படுகின்றன. இது கெட்ட கொலஸ்ட்ரால் மற்றும் இரத்த அழுத்தத்தை கட்டுப்படுத்துகிறது.

பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.