குரு வக்ர பெயர்ச்சி: இந்த ராசிகளுக்கு 2025 தொடக்கமே அற்புதமாய் இருக்கும், வெற்றிகள் குவியும்

குரு பார்வை கோடி நன்மை தரும் என கூறுவார்கள். குரு பகவான் பல வித நல்ல பலன்களை அளிக்கும் சுப கிரகமாக பார்க்கப்படுகிறார். ஒரு நபர் மீது அவரது அருள் இருந்தால், அந்த நபருக்கு அனைத்து விதமான நன்மைகளும் கிடைக்கும்.

குரு பகவான் அக்டோபர் 9, 2024 அன்று, ரிஷபத்தில் வக்ர பெயர்ச்சி அடைந்தார். அவர் பிப்ரவரி 5, 2025 வரை இந்த நிலையில் இருப்பார். அதன் பிறகு அவர் வகர் நிவர்த்தி அடைவார்.

குரு வக்ர பெயர்ச்சியின் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அதிகப்படியான நன்மைகள் கிடைக்கும். இவர்கள் வாழ்வில் இது பொற்காலமாய் இருக்கும். அந்த அதிர்ஷ்ட ராசிகளை பற்றி இந்த பதிவில் காணலாம். 

மேஷம்: மேஷ ராசிக்காரர்களுக்கு குரு வக்ர பெயர்ச்சி சாதகமான பலன்களை அளிக்கும். இந்த நேரத்தில், வேலை மற்றும் வியாபாரத்தில் முன்னேற்றம் ஏற்படுவதற்கான வலுவான வாய்ப்புகள் உள்ளன. மேஷ ராசசிக்காரர்களுக்கு சமூகத்தில் மதிப்பும் மரியாதையும் அதிகரிக்கும். பதவி, கௌரவம் உயரும். வசதி வாய்ப்புகள் அதிகரிக்கும். வீடு, வாகனம் வாங்கும் யோகம் உண்டாகும். வருமானமும் அதிகரிக்கும். வியாபாரத்தில் நல்ல லாபம் கிடைப்பதுடன் உங்கள் தேவைகளை எளிதில் நிறைவேற்றிக் கொள்ள பல வாய்ப்புகள் கிடைக்கும்.

ரிஷபம்: குரு வக்ர பெயர்ச்சியால் ரிஷப ராசிக்காரர்களுக்கு மகிழ்ச்சி அதிகமாகும். குரு வக்ர பெயர்ச்சியின் தாக்கத்தால் பணியிடத்தில் ஊதிய உயர்வும் பதவி உயர்வும் கிடைக்க வாய்ப்புள்ளது. வீட்டில் சுப நிகழ்ச்சிகள் நடக்கும். உங்களுக்கு அதிகமாகும் பண வரவால் பிறருக்கு அதிகமாக உதவி செய்வீர்கள்.

மிதுனம்: மிதுன ராசிக்கு குரு வக்ர பெயர்ச்சி சுப பலன்களை அளிக்கும். மாத வருமானம் அதிகரிக்கும். பொருளாதார நிலை மேம்படும். குடும்ப பிரச்சனைகளும் குறையும். இந்த நேரத்தில் நீங்கள் சில சுப நிகழ்ச்சிகளில் பங்கேற்க வாய்ப்பு கிடைக்கும். வேலை மாற்றத்திற்கான நல்ல வாய்ப்புகளும் இருக்கலாம். அதிர்ஷ்டத்தின் முழுமையான ஆதரவு இருக்கும். தொழிலதிபர்களுக்கு முதலீடு மூலம் நல்ல லாபம் கிடைக்கும்.

கடகம்: கடக ராசிக்காரர்களுக்கு குரு வக்கிரப் பெயர்ச்சி சாதகமான பலன்களை அளிக்கும். அதிர்ஷ்டத்தின் முழுமையான ஆதரவு கிடைக்கும். உடல் ஆரோக்கியம் நன்றாக இருக்கும். பண வரவு அதிகமாகும். பணியிடத்திலும் உங்கள் மதிப்பும் மரியாதையும் அதிகரிக்கும். ஆன்மீகப் பணிகளில் நாட்டம் அதிகரிக்கும்.

சிம்மம்: குரு வக்ர பெயர்ச்சி சிம்ம ராசிக்காரர்களுக்கு லாபகரமானதாக இருக்கும். உங்கள் நிதி நிலை மேம்படும், வங்கி இருப்பும் அதிகரிக்கும். குடும்பத்தில் மகிழ்ச்சியும் அமைதியும் நிலவும், மூதாதையர் சொத்துக்களால் ஆதாயம் பெற வாய்ப்பு கிடைக்கும். இந்த நேரத்தில், உங்கள் முழுமையற்ற வேலைகள் அனைத்தையும் எளிதாக நடத்தி முடிக்கலாம். வணிகத்தில் லாபம் அதிகரிக்கும். உங்கள் ஆரோக்கியமும் மேம்படும். வாழ்க்கையின் பல்வேறு துறைகளில் வெற்றியை அடைவீர்கள்.

தனுசு: தனுசு ராசிக்காரர்களுக்கு குரு வக்ர பெயர்ச்சி சாதமான பலன்களை அள்ளித்தரும். பணி இடத்தில் ஊதிய உயர்வும் பணி உயர்வும் கிடைக்கும். வெளியூர் பிரயாணம் மேற்கொள்ள வாய்ப்புள்ளது. உறவினர்கள் மற்றும் நண்பர்களின் முழுமையான ஆதரவு கிடைக்கும். உடல் ஆரோக்கியம் நன்றாக இருக்கும். பண வரவு அதிகமாகும்.

குரு பகவானின் அருள் பெற, 'குரு பிரம்மா, குரு விஷ்ணு, குரு தேவோ மகேஷ்வர, குரு சாட்சாத் பரப்பிரம்மா, தஸ்மை ஸ்ரீ குரவே நமஹ' என்ற குரு ஸ்தோத்திரத்தை தினமும் சொல்லலாம்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.