பிக்பாஸில் இருந்து எவிக்ட் செய்யப்பட்ட விஜய் வர்மா வாங்கிய சம்பளம் இவ்வளவா!
பிக்பாஸ் சீசன் 7 நிகழ்ச்சி கடந்த சில வாரங்களுக்கு முன்பு தொடங்கியது. இதன் மூன்றாவது வாரத்தில் எவிக்ட் செய்யப்பட்ட போட்டியாளர், விஜய் வர்மா.
விஜய் வர்மா, பிக்பாஸ் இல்லத்திற்குள் கடைசி போட்டியாளராக உள் நுழைந்தார். முதல் வாரத்தின் கேப்டனாகவும் இவரே தேர்ந்தெடுக்கப்பட்டார். தனக்கு கொடுக்கப்பட்ட கேப்டன்ஸி டாஸ்குகளை இவர் நன்றாகவே செய்தார்.
விஜய்க்கு பிக்பாஸ் ஹவுஸ்மேட்ஸ் உறுதுணையாக இருந்தனர். இவர், முதல் வாரத்தில் நேரடியாக மிரட்டல் விடுப்பது போல பேசியதால் இவருக்கு முதல் வார்னிங் கொடுத்தார் கமல்ஹாசன்.
ஒரு டாஸ்கில் விஜய் மற்றும் விஷ்ணு ஆகியோர் பயங்கரமாக மோதிக்கொண்டனர். இந்த டாஸ்கின் போது பிரதீப்பிற்கு விஜய்யால் அடிப்பட்டது. இதனால்தான் இவர் பிக்பாஸ் இல்லத்தில் இருந்து வெளியேற்றப்பட்டதாக கூறப்படுகிறது.
விஜய் வர்மா, பிக்பாஸ் இல்லத்திற்குள் வருவதற்கு முன்னர் பல தமிழ் படங்களில் நடன கலைஞராக பணி புரிந்துள்ளார். குறிப்பாக, ‘தலைவா’ படத்தில் விஜய்யுடன் ஒன்றாக சேர்ந்து நடனமாடும் கதாப்பாத்திரத்தில் இவர் நடித்திருப்பார்.
விஜய் வர்மா, உடற்பயிற்சி கூடம் ஒன்றினை வைத்து நடத்தி வருவதாகவும் கூறப்படுகிறது.
பிக்பாஸ் போட்டியாளர்களாக இருக்கும் ஒவ்வொருவருக்கும் ஒரு நாளைக்கான சம்பளம் இவ்வளவு என்று ஒதுக்கப்பட்டுள்ளது. அது போல விஜய் வர்மாவின் ஒரு நாளைக்கான சம்பளமும் அவர் மொத்தமாக பெற்றுக்கொண்ட தொகை எவ்வளவு என்பது குறித்த தகவலும் வெளியாகியுள்ளது.
விஜய் வர்மாவிற்கு ஒரு நாளைக்கு ரூ.15 ஆயிரம் ரூபாய் சம்பளமாக வழங்கப்பட்டுள்ளதாம். இவர், மொத்தமாக 21 நாட்கள் பிக்பாஸ் இல்லத்தில் இருந்துள்ளார். அந்த வகையில், இவருக்கு மொத்தமாக 3 லட்ச ரூபாய் சம்பளமாக வழங்கப்பட்டிருக்கலாம் என கூறப்படுகிறது.