விஜய்யின் `லியோ` படத்தில் உருவாகி உள்ள புதிய சிக்கல்! குழப்பத்தில் திரையரங்குகள்!
தளபதி விஜய்யின் 'லியோ' திரைப்படம் மிகப்பெரிய எதிர்பார்ப்புகளுக்கு மத்தியில் வரும் அக்டோபர் 19ம் தேதி திரையரங்குகளில் வெளியாக உள்ளது.
முதலில், கடந்த மாதம் நடைபெற இருந்த பிரம்மாண்ட ஆடியோ வெளியீட்டு விழா ரத்து செய்யப்பட்டது. இதனால் லியோ படத்தின் ட்ரைலர் அக்டோபர் 6ம் தேதி வெளியானது.
விஜய் படங்களின் ட்ரைலரை சில திரையரங்குகள் பொது வெளியில் ரசிகர்களுக்கு திரையிட்டு காண்பிக்கப்பட்டும். ஆனால் இந்த முறை இதற்கு காவல்துறை அனுமதி வழங்கவில்லை.
இருப்பினும், ஒரு சில திரையரங்குகள் தங்கள் திரைகளுக்குள் லியோ டிரெய்லரை திரையிட செய்தன. ஆனால், யூடியூப்பில் வெளியான லியோ ட்ரைலர் தணிக்கை செய்யப்படவில்லை.
ட்ரெய்லரில் விஜய் கெட்ட வார்த்தை பேசி இருப்பதை அறிந்திடாத திரையரங்கு நிர்வாகங்கள் ட்ரைலரை திரையிட்ட. சட்டப்படி, தணிக்கை செய்யப்படாத வீடியோக்களை திரையரங்கில் ஒளிபரப்பு செய்யக்கூடாது.
தற்போது, 'லியோ' படத்தின் தணிக்கை செய்யப்படாத டிரெய்லரை திரையிட்ட சில திரையரங்குகளுக்கு சிபிஎஃப்சி அதிகாரிகள் நோட்டீஸ் அனுப்பியுள்ளனர்.
இந்நிலையில், இயக்குனர் லோகேஷ் கனகராஜ் சமீபத்தில் அளித்த பேட்டியில், கெட்ட வார்த்தை பேசியது அந்த கதாபாத்திரம் தான். மேலும், கதையின் தீவிரத்திற்கு இது போன்ற ஒரு காட்சி தேவை என்றும், கெட்ட வார்த்தைகள் படத்தில் மியூட் செய்யப்படும் என்றும் அவர் தெளிவுபடுத்தினார்.