டபுள் நன்மையை பெற... ‘இந்த’ உணவுகளை ஊற வைச்சு சாப்பிடுங்க..!!

சில உணவுகளை இரவு முழுவதும் ஊறவைத்து காலையில் உட்கொண்டால், அவற்றின் நன்மைகள் இரட்டிப்பாகும் (Soaked Foods Benefits) என்கின்றனர் நிபுணர்கள். இவற்றை உட்கொள்வதால் செரிமானம் முதல் உடல் பருமன் வரை பல பிரச்சனைகள் தீரும். அவர்களை பற்றி தெரிந்து கொள்வோம்...

பாதம் பருப்பு: ஊறவைத்த பாதாமை சாப்பிடுவது அதிக பலன் தரும் என சுகாதார நிபுணர்கள் தெரிவிக்கின்றனர். உண்மையில், அவற்றின் சூடான தன்மை செரிமானத்தை பாதிக்காது மற்றும் கெட்ட கொழுப்பு அல்லது உயர் இரத்த அழுத்தம் போன்ற பிரச்சனைகளும் நீங்கும்.

கொத்துக்கடலையில், புரதம் மற்றும் நார்ச்சத்து ஏராளமாக உள்ளது. இது உடலில் இருந்து பலவீனத்தை அகற்ற உதவுகிறது. அதுமட்டுமின்றி, இரவு முழுவதும் ஊறவைத்து சாப்பிட்டு வந்தால், செரிமானம் மேம்படும். முளை கட்டிய கொத்துக்கடலையும் மிகவும் சிறந்தது.

உலர் திராட்சையை ஊறவைத்து உட்கொண்டால், பலன் இரட்டிப்பாகும். ஊறவைத்த திராட்சை உடல் ஆரோக்கியத்திற்கு மட்டுமல்ல, ஆரோக்கியமான சருமம் கூந்தலுக்கும் மிகவும் முக்கியமானது. இதனை உட்கொள்வதன் மூலம் இரத்த சோகை பிரச்சனையும், செரிமான பிரச்சனைகளும் நீங்கும்

ஓட்ஸ்: இரவு முழுவதும் ஊறவைக்கப்பட்ட ஓட்ஸ் ஆரோக்கியத்திற்கு மிகவும் பயனுள்ளதாக கருதப்படுகிறது. ஊற வைப்பதால், இதில் உள்ள ஸ்டார்ச் மற்றும் அமிலத்தின் அளவு குறைகிறது. இது செரிமானத்திற்கு மிகவும் நல்லது என்று கருதப்படுகிறது. அத்தகைய சூழ்நிலையில், நீங்கள் சமைக்காமல் கூட சாப்பிடலாம் என்கின்றனர் நிபுணர்கள்.

பாசிபயறு: முளை கட்டிய, அல்லது இரவு முழுவதும் ஊறவைத்த பாசிப்பயறில் செரிமானத்திற்கு மிகவும் பயனுள்ளதாக கருதப்படுகிறது. மலச்சிக்கல் அல்லது அஜீரண பிரச்சனை இருந்தால், அவற்றை ஊறவைத்து சாப்பிடலாம். உடல் எடையை குறைக்க நினைப்பவர்களுக்கும் இது மிகவும் பலன் அளிக்கும்.

அத்திப்பழம்: ஊற வைத்த அத்திப்பழத்தை உட்கொள்ளுவதால் கால்சியம், மெக்னீசியம், பாஸ்பரஸ் போன்ற தாதுக்கள் அதிகமாக இருப்பதால் ஆரோக்கியமான எலும்புகளை பராமரிக்க இந்த அத்திப்பழம் உதவுகிறது. உடல் எடை குறைக்க நினைப்பவர்களுக்கு அத்திப்பழம் ஒரு சிறந்த வரப்பிரசாதம் ஆகும். உடல் ஆரோக்கியத்தை மட்டுமல்ல தோல் ஆரோக்கியத்தையும் அத்திப்பழம் மேம்படுத்தும்.

பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.