டின்னரை 7 மணிக்கு முன் சாப்பிட்டால்... உடலில் ஏற்படும் வியக்கத்தக்க மற்றங்கள்!

இன்றைய காலகட்டத்தில் பலருக்கு மிக நேரம் தாழ்த்தி இரவு உணவு உண்ணும் பழக்கம் உள்ளது. இது ஆரோக்கியத்திற்கு கேடு விளைவிக்கும். மாறாக, இரவு 7 மணிக்கு முன் இரவு உணவு சாப்பிடுவது உங்கள் ஆரோக்கியத்தில் பெரிய தாக்கத்தை ஏற்படுத்தும். மேலும், இரவு உணவிற்கும் உறங்குவதற்கும் இடையே இரண்டு முதல் மூன்று மணி நேர இடைவெளியை பராமரிப்பது முக்கியம்.

இரவு 7 மணிக்கு முன் உணவை உட்கொள்வது மிகவும் முக்கியம், ஏனெனில் இது உங்கள் உடலின் ஹார்மோன்களை பராமரிக்க உதவுகிறது. தூங்கும் முன் சாப்பிட்டால், அஜீரணம் மற்றும் வயிற்று உப்புசம் போன்றவை ஏற்படும்.

நீங்கள் சீக்கிரம் இரவு உணவை உண்ணாமல், தூங்கும் முன் சாப்பிட்டால், உணவு சரியாக ஜீரணமாகாமல், ஆற்றலாக மாறாமல் கொழுப்பாக உடலில் சேரும். இது உடல் பருமன் அபாயத்தை அதிகரிக்கலாம். எனவே உடல் எடையை குறைக்க நினைப்பவர்கல் இரவு உணவை சீக்கிரம் எடுத்துக் கொள்ள வேண்டும்.

உறங்குவதற்கு இரண்டு அல்லது மூன்று மணி நேரத்திற்கு முன் நீங்கள் உணவை உட்கொண்டால், அது உங்கள் உடல் இதய ஆரோக்கியத்தை பராமரிக்க உதவும். சீக்கிரம் உண்ணும் இரவு உணவு உங்கள் இரத்த அழுத்தத்தை கட்டுப்படுத்துகிறது மற்றும் தூக்கத்திற்கு முன் செரிமானத்தை பாதிக்கும், கொழுப்பு நிறைந்த உணவுகளை உட்கொள்வதை குறைக்கிறது. 

உறங்குவதற்கு சற்று முன் சாப்பிட்டால், வயிற்று உப்புசம் மற்றும் அஜீரணம் உங்கள் தூக்கத்தைக் கெடுக்கும். மறுபுறம், படுக்கைக்குச் செல்வதற்கு இரண்டு அல்லது மூன்று மணி நேரத்திற்கு முன் உங்கள் உணவை உண்பது உங்கள் உடல் உணவை ஜீரணிக்க உதவுகிறது மற்றும் இரவில் நல்ல ஆழ்ந்த தூக்கத்தை கொடுக்கிறது.

நீங்கள் உறங்குவதற்கு சற்று முன் சாப்பிட்டால், அது உங்கள் இரத்த சர்க்கரை அளவை அதிகரிக்க வழிவகுக்கும், இது வகை 2 நீரிழிவு நோயின் அபாயத்தை அதிகரிக்கிறது. எனவே, இரவு 7 மணிக்கு முன் உணவை உட்கொள்வது நல்லது.

பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.