இந்திய அணியின் தலைமை பயிற்சியாளராக கம்பீர் பெரும் சம்பளம் எவ்வளவு தெரியுமா?

இந்திய கிரிக்கெட் அணியின் புதிய தலைமை பயிற்சியாளராக கவுதம் கம்பீர் நியமிக்கப்பட்டுள்ளதாக பிசிசிஐ செயலாளர் ஜெய் ஷா இன்று அதிகார்வப்பூர்வமாக அறிவித்துள்ளார்.

டி20 உலகக் கோப்பையில் ஒரு போட்டியில் கூட தோல்வியடையாமல் கோப்பையை வென்ற முதல் அணி என்ற பெருமையை இந்தியா பெற்றுள்ளது. இறுதி போட்டியில் தென்னாப்பிரிக்காவை வீழ்த்தியது.

2024 டி20 உலகக் கோப்பைக்குப் பிறகு ராகுல் டிராவிட் ஓய்வு பெற்றுள்ள நிலையில் அவருக்கு பதிலாக இந்திய அணியின் முன்னாள் வீரர் கவுதம் கம்பீர் செயல்பட உள்ளார்.

"இந்திய கிரிக்கெட் அணியின் புதிய தலைமைப் பயிற்சியாளராக கவுதம் கம்பீரை வரவேற்பதில் மிகுந்த மகிழ்ச்சி அடைகிறேன். நவீனகால கிரிக்கெட்டிற்கு இவரை போன்ற ஒருவர் தேவை" என்று ஜெய் ஷா பதிவிட்டுள்ளார்.

கம்பீர் தலைமையில் இந்திய அணி முதல் சுற்றுப்பயணமாக இலங்கை செல்ல உள்ளது. அங்கு மூன்று டி20 மற்றும் மூன்று ஒருநாள் போட்டிகளில் விளையாட உள்ளது.

இந்திய அணியின் தலைமை பயிற்சியாளராக கவுதம் கம்பீர், ராகுல் டிராவிட்டை விட அதிக சம்பளத்தை பெறுவார். ஆண்டுக்கு ரூ. 12 கோடி சம்பளம் பெறுவார் என்று தகவல் வெளியாகி உள்ளது.