கைகளில் இந்த அறிகுறிகள் இருக்கா? அப்போ உங்களுக்கு கொலஸ்ட்ரால் இருக்கலாம்

அதிக கொலஸ்ட்ராலின் எச்சரிக்கை அறிகுறிகள்

தற்போது பெரும்பாலான மக்கள் அதிக கொலஸ்ட்ரால் பிரச்சனையால் பாதிக்கப்பட்டுள்ளனர். உடலில் அதிக கொலஸ்ட்ரால் அளவு மிகவும் தீங்கு விளைவிக்கும். அதிக கொலஸ்ட்ரால் இருந்தால், உங்கள் இரத்தத்தில் 'கெட்ட' கொலஸ்ட்ரால் அதிகமாகும், இது மிகவும் ஆபத்தான நிலையாகும். அதிக கொலஸ்ட்ரால் இருந்தால் இதய நோய் வருவதற்கான வாய்ப்புகள் அதிகரிக்கும். இது மாரடைப்பு, பக்கவாதம் ஏற்படலாம். தற்போது மக்களின் வாழ்க்கை முறை மற்றும் தவறான உணவுப் பழக்கம், உடற்பயிற்சி செய்யாமல் இருப்பது போன்றவற்றால் கொலஸ்ட்ரால் பிரச்சனை சர்வ சாதாரணமாகி வருகிறது. கொலஸ்ட்ராலின் பல அறிகுறிகளும் எச்சரிக்கை அறிகுறிகளும் உங்கள் உடலில் தெரியும். இந்த அறிகுறிகளில் சிலவற்றை கைகளிலும் தெரியும். எனவே உங்கள் கைகளில் அதிக கொலஸ்ட்ராலின் இந்த அறிகுறிகளை நீங்கள் கண்டால், உடனடியாக உங்கள் கொலஸ்ட்ரால் அளவை பரிசோதிக்கவும்.

கைகளில் அதிக கொலஸ்ட்ரால் அறிகுறிகள் எக்ஸ்பிரஸ் டாட் கோ டாட் யுகேவெளியிடப்பட்ட ஒரு செய்தியின் படி, ஒவ்வொருவரும் தங்கள் கொலஸ்ட்ரால் அளவை தவறாமல் கண்காணிக்க வேண்டும், இதனால் இதய நோய் மற்றும் இரத்த நாளங்களில் ஏற்படும் அடைப்பு பிரச்சினையை சரியான நேரத்தில் அடையாளம் காண முடியும். சிலருக்கு அதிக கொலஸ்ட்ரால் இருந்தும் எவ்வித அறிகுறியும் தென்படாது. இருப்பினும் அதிக கொலஸ்ட்ராலில் சில அறிகுறிகள் நம் உடலில் காணப்படும். இந்த அறிகுறிகள் சில நேரங்களில் வலி மற்றும் மரத்து போகும் உணர்வு அல்லது உங்கள் கைகளில் மரத்து போகும் உணர்வு கூட இருக்கலாம்.

கைகளில் வலி அதிக கொலஸ்ட்ராலின் அறிகுறி உங்கள் தமனிகளில் பிளேக் குவிந்தால், அது தமனிகளைத் தடுக்கிறது, இது பெருந்தமனி தடிப்பு என்று அழைக்கப்படுகிறது. இது ஒரு தீவிர பிரச்சனையாகும். இந்த வைப்புக்கள் கொலஸ்ட்ரால், கொழுப்புப் பொருட்கள், செல்லுலார் கழிவுப் பொருட்கள், கால்சியம் மற்றும் ஃபைப்ரின் ஆகியவற்றால் ஆனது. கொலஸ்ட்ரால் உடலில் அதிகம் சேருவதால், கைகளில் உள்ள இரத்த நாளங்களையும் அடைத்துவிடும். இதை நாம் கவனிக்கவில்லை என்றால், கொலஸ்ட்ரால் தொடர்ந்து அதிகரித்துக்கொண்டே போகலாம். இதனால் கைகளில் வலி ஏற்படும். எனவே உங்களுக்கும் அடிக்கடி கைகளில் வலி இருந்தால், ஒருமுறை கொலஸ்ட்ரால் பரிசோதனை செய்து கொள்ளுங்கள்.

கைகளில் மரத்து போகும் உணர்வு அதிக கொலஸ்ட்ரால் அறிகுறியாகும் அடிக்கடி மரத்து போகும் உணர்வு, கைகளின் உணர்வின்மை ஒரு நல்ல அறிகுறி அல்ல. இது அதிக கொலஸ்ட்ராலின் சாத்தியமான அறிகுறியாக இருக்கலாம். உடலின் ஒரு குறிப்பிட்ட பகுதிக்கு இரத்த ஓட்டம் தடைபட்டால், கைகளில் மரத்து போகும் உணர்வு தொடங்கும். இரத்தத்தில் கொலஸ்ட்ரால் அளவு அதிகமாக இருப்பது இரத்த ஓட்டம் தடிமனாவதற்கு வழிவகுக்கிறது மற்றும் நரம்புகளில் இரத்தத்தின் இயல்பான ஓட்டத்தை பாதிக்கலாம், இதனால் கைகளில் மரத்து போகும் உணர்வு ஏற்படுகிறது. அதிக அளவில் மது அருந்துபவர்கள் அல்லது டைப் 2 சர்க்கரை நோய் உள்ளவர்கள் கை, கால்களில் மரத்து போகும். எனவே உங்களுக்கும் மரத்து போகும் உணர்வு இருந்தால், உடனே மருத்துவரை அணுகவும்.

நகங்களின் நிறத்தில் மாற்றம் உங்கள் நகங்களின் நிறம் ஊதா அல்லது இளஞ்சிவப்பு நிறமாக இருந்தால், அது அதிக கொலஸ்ட்ராலை குறிக்கிறது. கைகளில் ரத்த ஓட்டம் சரியாக இல்லாததே இதற்கு முக்கிய காரணமாகும். எனவே உங்களின் நகங்களில் இது போன்ற மாற்றங்களை நீங்கள் கண்டால், மருத்துவரை அணுகவும். மேலும், அதிக கொலஸ்ட்ராலைத் தடுக்க ஆரோக்கியமான உணவை எடுத்துக் கொள்ளுங்கள். தினமும் உடற்பயிற்சி செய்யுங்கள். சுறுசுறுப்பாக இருக்க முயற்சி செய்யுங்கள். வாழ்க்கை முறையை மேம்படுத்தவும். அதிக கொழுப்பு உணவுகள், பதப்படுத்தப்பட்ட உணவுகள் போன்றவற்றை உட்கொள்ளவதை தவிர்க்கவும்.