IND vs AUS Final: உலகக் கோப்பையில் யார் கெத்து...? புள்ளிவிவரங்கள் இதோ!

இந்திய அணி நடப்பு தொடரில் தொடர்ந்து 10 போட்டிகளில் வென்றுள்ளது. ஆஸ்திரேலியா 8 போட்டிகளில் தொடர்ந்து வென்றுள்ளது. 

இந்திய அணி இதுவரை 2 முறை கோப்பையை வென்றுள்ளது. ஆஸ்திரேலிய அணி இதுவரை 6 முறை கோப்பையை வென்றுள்ளது. 

இந்திய அணி இத்தோடு நான்காவது முறையாக உலகக் கோப்பை இறுதிப்போட்டிக்கு தகுதிபெற்றது. ஆஸ்திரேலிய அணி 8ஆவது முறையாக இறுதிப்போட்டிக்கு தகுதிபெற்றது.

இதுவரை உலகக் கோப்பை தொடர்களில் 13 முறை இந்தியா - ஆஸ்திரேலியா அணிகள் மோதி உள்ளன. இதில் ஆஸ்திரேலியா 8 போட்டிகளில் வென்று, இந்தியா 5இல் வென்றுள்ளது. மேலும், கடைசி 2 போட்டிகளிலும் இந்தியா வென்றுள்ளது. 

இந்தியா - ஆஸ்திரேலியா இதற்கு முன் 2003 உலகக் கோப்பை தொடரின் இறுதிப்போட்டியில் மோதியது. 125 ரன்கள் வித்தியாசத்தில் ஆஸ்திரேலியா வென்றது.

ஒருநாள் அரங்கில் இரு அணிகளும் 150 போட்டிகளில் மோதி உள்ளன. இதில் 57 போட்டிகளில் இந்தியாவும், 83 போட்டிகளில் ஆஸ்திரேலியாவும் வென்றுள்ளன. இதில் 10 போட்டிகளுக்கு முடிவில்லை.

இந்தியா - ஆஸ்திரேலியா அணிகளுக்கு இடையிலான இறுதிப்போட்டி நாளை (நவ. 19) அகமதாபாத் நரேந்திர மோடி மைதானத்தில் மதியம் 2 மணிக்கு தொடங்கும்.