இனி ஜியோ சினிமா இலவசம் இல்லை! 1 மாதத்திற்கு பிரிமியம் தொகை எவ்வளவு தெரியுமா?

ஐபிஎல் போட்டியின் ஒளிபரப்பு உரிமையை கைப்பற்றியவுடன் JioCinema ரசிகர்கள் மத்தியில் பிரபலமானது. மொபைல்போன்கள், டேப்லெட், லேப்டாப், டிவி என அனைத்திலும் இந்த சேவையை பெற முடியும்.    

JioCinema ஆரம்பித்ததில் இருந்து இலவசமாக இருந்து வந்த அதன் சேவைகளை தற்போது பிரீமியம் வடிவில் மாற்றி உள்ளது. உங்களின் தேவைகளுக்கு ஏற்ப அதன் ரீசார்ஜ் திட்டங்களை தேர்வு செய்து கொள்ளலாம்.

Prime Video மற்றும் Netflix போல சந்தா தொகைக்கு ஏற்றார் போல வீடியோ தெளிவுத்திறனை வாடிக்கையாளர்களுக்கு கொடுக்காமல் அனைவருக்கும் ஒரே போல வீடியோக்களை JioCinema வழங்குகிறது.

எவ்வளவு தொகையில் நீங்கள் பிரீமியம் சந்தா பெற்று இருந்தாலும் 4K தரத்தில் திரைப்படங்கள் மற்றும் டிவி நிகழ்ச்சிகளைப் பார்த்து ரசிக்கலாம். சமீபத்தில் பல்வேறு ஹாலிவுட் படங்களை JioCinema தனது தளத்தில் பதிவிட்டுள்ளது. 

ஒருவர் மட்டும் பயன்படுத்த கூடிய ஜியோசினிமா சந்தாவின் விலை ஒரு மாதத்திற்கு ரூ. 29 ஆகும். நீங்கள் பல சாதனங்களில் பயன்படுத்த வேண்டும் என்றால் மாதம் ரூ. 89 செலுத்த வேண்டும். அதிகபட்சம் 4 சாதனங்களில் பயன்படுத்தி கொள்ளலாம்.

ஜியோசினிமா பிரீமியத்திற்கு கிரெடிட் அல்லது டெபிட் கார்டுகள் அல்லது UPI மூலம் பணம் செலுத்தலாம். மேலும் ஆண்ட்ராய்டு மற்றும் iOS பயனர்கள் இருவரும் ஆட்டோமெட்டிக் பேமெண்ட் மோடையும் செட் செய்து கொள்ளலாம்.