செவ்வாய் பெயர்ச்சியும் அங்காரக யோகமும்... 12 ராசிகளுக்கான பலன்கள்!

Mars Transit: ஏப்ரல் 23ம் தேதி அன்று, செவ்வாய் மீனத்தில் நுழைந்துள்ள நிலையில், ஏற்கனவே மீனத்தில் இருக்கும் ராகுவுடன் செவ்வாய் இணைவதால் உருவாகும் அங்காரக் யோகம் ஏப்ரல் 23 முதல் ஜூன் 1 வரை நீடிக்கும். இந்நிலையில்,  செவ்வாய் பெயர்ச்சியினால் மேஷம் முதல் மீனம் வரையிலான ராசிகளுக்கு என்ன பலன் கிடைக்கும் என்பதை தெரிந்து கொள்வோம்.

மேஷ ராசிக்காரர்களுக்கு ஆற்றல் மட்டம் சிறப்பாக இருக்கும், இதன் காரணமாக அவர்கள் தங்கள் பணியில் முழு உழைப்புடனும் அர்ப்பணிப்புடனும் செயல்படுவார்கள். இந்த நேரத்தில், உங்கள் இலக்குகளை அடைய விரும்பும் ஆற்றல் உங்களுக்குள் கொழுந்து விட்டு எரியும். மறுபுறம், உங்கள் உடல்நலம் சற்று பாதிக்கப்படலாம். உங்கள் ஆரோக்கியத்தில் கவனம் செலுத்த வேண்டும். 

ரிஷப ராசியினருக்கு செவ்வாய் பெயர்ச்சி சாதகமாக இருக்காது. குடும்ப விஷயங்களில் பிரச்சனைகளை சந்திக்க நேரிடும். குடும்பத்தில் சில விஷயங்களில் உடன்பாடு இருக்காது. அதே நேரத்தில், உங்கள் மனைவியுடனான உறவு சிறிது மோசமடையக்கூடும், எனவே நீங்கள் பொறுமையாக இருக்க வேண்டும்.

மிதுன ராசிக்காரர்கள் தங்கள் உடன்பிறந்தவர்களின் இலக்குகளை நிறைவேற்றும் முயற்சியில் ஈடுபடுவார்கள். செவ்வாய் பெயர்ச்சி காரணமாக, உங்கள் தகவல் தொடர்பு திறன் மேம்படும். இந்த நேரம் தொழிலில் வெற்றியைத் தரும். மேலும், நீங்கள் வணிகத்தில் சில புதிய திட்டங்களை செயல்படுத்துவதில், நீங்கள் வெற்றி பெறுவீர்கள்.

கடக ராசிக்காரர்களுக்கு வருமானம் அதிகரிக்கும். நீங்கள் வியாபாரத்தில் புதிதாக ஏதாவது திட்டமிட்டால், அந்த முயற்சியில் வெற்றி பெறுவீர்கள். குறிப்பாக முதலீடு செய்வதன் மூலம் பலன் அடைவீர்கள். உயர்கல்விக்கான முயற்சிகளில் ஈடுபடுபவர்களின் முயற்சிகள் வெற்றி பெறும். உங்கள் தந்தையுடனான உறவும் மேம்படும்.

சிம்ம ராசிக்காரர்கள் தங்கள் எண்ணங்களை வெளிப்படுத்த தயங்க வேண்டாம். நீண்ட நாட்களாக மனதில் ஏதாவது இருந்தால், தயக்கமின்றி வெளிப்படுத்த வேண்டும். உங்கள் வாழ்க்கையில் பலவிதமான சவால்கள் வரும். இந்தச் சவால்களுக்கு அஞ்ச வேண்டாம்.  தைரியமாக எதிர்கொள்ளுங்கள். வெற்றி உங்களுக்கே.

கன்னி ராசி உள்ளவர்களுக்கு செவ்வாய் பெயர்ச்சி சுப பலன்களை கொடுக்காது.  தங்கள் திறனைப் பற்றி சந்தேகம் கொள்வார்கள். எந்த ஒரு முடிவையும் முழு நம்பிக்கையுடன் எடுக்க முடியாது. உணர்வு ரீதியாக பலவீனமாக உணர்வீர்கள். திருமண வாழ்க்கையிலும் பிரச்சனைகள் ஏற்படும். மூன்றாவது நபரால் உங்கள் வாழ்க்கையில் குழப்பம் ஏற்படும். 

துலாம் ராசிக்காரர்களின் மன உறுதி குறையலாம். ஆனால் புதிய சவால்களை நீங்கள் திறமையாக எதிர்கொள்வீர்கள். உங்கள் இலக்குகள் தயக்கம் இன்றித் தொடர வேண்டிய நேரம் இது. நீங்கள் உங்கள் இலக்குகளை அடைய, கொஞ்சம் ரிஸ்க் எடுத்தாலும் எதிர்காலத்தில் பலன் கிடைக்கும். ஆரோக்கியத்தின் பார்வையில் இந்த நேரம் அவ்வளவு நன்றாக இல்லை. உங்களுக்கு முதுகுவலி மற்றும் அல்சர் போன்ற பிரச்சனைகள் இருக்கலாம்.

விருச்சிக ராசிக்காரர்கள் தங்கள் திறமைகளையும் திறமைகளையும் வெளிக்காட்ட எல்லா வாய்ப்புகளும் கிடைக்கும். உங்கள் ஆற்றல் பல புதிய விஷயங்களுக்கு உங்களை அழைத்துச் செல்லும். இந்த செவ்வாய் பெயர்ச்சியினால், உங்கள் திருமண வாழ்க்கைக்கும் மிகவும் சிறப்பாக இருக்கும். இது உங்கள் இருவருக்கும் இடையிலான நெருக்கத்தை மேம்படுத்தும்.

தனுசு ராசிக்காரர்கள் புதிய தகவல்களைச் சேகரிப்பது போல் உணர்வார்கள். புதிய இடங்களை ஆராயும் வாய்ப்பும் கிடைக்கும். கல்வியில் முன்னேற்றம் ஏற்படும். பொருளாதார நிலை மேம்படும். பண வரவும் மகிழ்ச்சியைக் கொடுக்கும். ஆன்மீகத்தின் பக்கம் உங்கள் கவனம் திரும்பும். பல புதிய வாய்ப்புகளைப் பெறுவீர்கள். 

மகர ராசியினருக்கு உணர்ச்சி ரீதியாக மிகவும் மென்மையானதாக இருக்கும்.  உறவுகளை மிகுந்த கவனத்துடன் கையாளுவீர்கள். உங்களுக்கும் உங்கள் துணைக்கும் இடையே உள்ள பிரச்சனைகளை தீர்க்கும் நேரம் இது. வேலை, தொழிலைப் பொறுத்தவரை, நீங்கள் வேறு ஏதாவது வேலை அல்லது தொழிலைத் தேர்ந்தெடுக்கவும் முடிவு செய்யலாம். 

கும்ப ராசிகள் தங்கள் வேலை மற்றும் தனிப்பட்ட வாழ்க்கையில் சமநிலையை பராமரிக்க முயற்சிப்பார்கள். திருமணம் செய்ய விரும்புபவர்களுக்கு பல நல்ல திருமண வாய்ப்புகள் கிடைக்கும். செவ்வாயின் தாக்கத்தால் திருமணத்தில் எவ்வளவோ தாமதம் ஏற்பட்டு வந்தாலும் அது முடிவுக்கு வரும். எனினும், உடல்நலம் சம்பந்தமான பிரச்சனைகள் வரலாம். 

மீனம் ராசிகள் உடல் ஆரோக்கியத்தில் கவனம் செலுத்த வேண்டும். நல்ல பழக்கவழக்கங்கள் மற்றும் வாழ்க்கை முறையை கடைப்பிடிப்பதன் மூலம், உங்கள் ஆரோக்கியம் மேம்படும். இந்த நேரத்தில் பொறுமையுடன் நடக்க வேண்டும். மேலும் உங்கள் கோபத்தை கட்டுப்படுத்த வேண்டும். எனினும், உங்கள் குடும்பத்துடன் மகிழ்ச்சியாக நேரத்தை செலவிடுவீர்கள்.

பொறுப்புத் துறப்பு: இந்தக் கட்டுரையில் உள்ள தகவல்கள் பல்வேறு ஊடகங்கள், ஜோதிடர்கள், பஞ்சாங்கம், உபதேசங்கள், நம்பிக்கைகள், ஆன்மீக நூல்கள் ஆகியவற்றிலிருந்து சேகரிக்கப்பட்டு உங்களுக்கு வழங்கப்பட்டுள்ளது. எங்கள் நோக்கம் தகவலை வழங்குவது மட்டுமே. ZEE NEWS இதற்கு பொறுப்பேற்காது.