Vintage Cars: விண்டேஜ் கார்களுக்கான புதிய விதிகள் அமலுக்கு வந்துள்ளது

சாலை போக்குவரத்து மற்றும் நெடுஞ்சாலை அமைச்சகம் மத்திய மோட்டார் வாகன விதிகளை (CMVR) 1989 இல் திருத்தியுள்ளது. இந்தியாவில் பயன்படுத்தப்பட்ட வாகனங்களை பாதுகாக்கும் வகையில் விதிகள் திருத்தப்பட்டுள்ளன

இந்த புதிய விதிகளின்படி, 50 ஆண்டுகள் அல்லது அதற்கு மேற்பட்ட பழமையான மற்றும் அவற்றின் அசல் வடிவத்தில் பாதுகாக்கப்பட்டுள்ள அல்லது குறிப்பிடத்தக்க மாற்றங்களுக்கு உட்படுத்தப்படாத இரு சக்கர வாகனம் / நான்கு சக்கர வாகனங்கள் விண்டேஜ் மோட்டார் வாகனமாக அங்கீகரிக்கப்படும். (ராய்ட்டர்ஸ்)

பல மாநிலங்களில் விண்டேஜ் கார்களை பதிவு செய்வதை ஒழுங்குபடுத்த எந்த விதிகளும் இல்லை என்று மத்திய சாலை போக்குவரத்து மற்றும் நெடுஞ்சாலைத்துறை அமைச்சர் நிதின் கட்கரி தெரிவித்துள்ளார். புதிய விதிகள் ஏற்கனவே பதிவுசெய்யப்பட்ட வாகனங்களுக்கான பழைய எண்ணைத் தக்கவைத்துக்கொள்வது மற்றும் புதிய பதிவுக்கு விஏ சீரிஸ் (VA series) உள்ளிட்ட எளிய செயல்முறை மேற்கொள்ளப்படும்.

புதிய விதிகளின்படி, படிவம் 20-ல் பதிவு அல்லது மறு பதிவுக்கான விண்ணப்பம் சமர்ப்பிக்கப்பட வேண்டும். இதில் காப்பீட்டுக் கொள்கையுடன், தேவையான கட்டணம், இறக்குமதி செய்யப்பட்ட வாகனங்களின் நுழைவு விலைப்பட்டியல் மற்றும் ஏற்கனவே இந்தியாவில் பதிவுசெய்யப்பட்ட வாகனங்கள் இருந்தால் பழைய ஆர்.சி ஆகியவை தேவை. படிவம் 23 ஏவின் படி, பதிவு சான்றிதழ் 60 நாட்களுக்குள் மாநில பதிவு ஆணையத்தால் வழங்கப்படும். (ராய்ட்டர்ஸ்)

ஏற்கனவே பதிவுசெய்த வாகனங்கள் அவற்றின் அசல் பதிவு அடையாளத்தை தக்க வைத்துக் கொள்ளலாம். இருப்பினும், புதிய பதிவுகளுக்கு, பதிவு குறி XX VA YY8 என குறிப்பிடப்படும். இதில், VA என்பது விண்டேஜ், XX என்பது மாநில குறியீடு, YY இரண்டு எழுத்துத் தொடராகவும், '8' என்பது மாநில பதிவு அதிகாரத்தால் ஒதுக்கப்பட்ட 0001 மற்றும் 9999 ஆகியவற்றுக்கு இடையில் இருக்கும்.

புதிய பதிவு கட்டணம் ரூ .20,000 ஆகவும், பின்னர் மறு பதிவு ரூ .5 ஆயிரமாகவும் இருக்கும். வழக்கமான / வணிக நோக்கங்களுக்காக, விண்டேஜ் மோட்டார் வாகனங்கள் சாலைகளில் அனுமதிக்கப்படாது. உங்களிடம் விண்டேஜ் கார் இருந்தாருந்தால், அதை இன்று பதிவு செய்து புதுப்பிக்கவும்.