40 வயதிலும் உங்கள் எலும்புகள் வலுவாக இருக்க இந்த உணவுகளை சாப்பிடுங்கள்!

எலும்புகள் தான் உடலில் வலிமையை உறுதி செய்கின்றன. அவை ஆரோக்கியமாக இருப்பது அவசியம். நாம் சாப்பிடும் உணவுகளை பொறுத்து எலும்புகள் ஆரோக்கியமாகிறது.

எலும்புகள் வலுவாக இருக்க கால்சியம் நிறைந்த உணவுகளை அதிகம் எடுத்து கொள்ள வேண்டும். இதன் மூலம் உங்கள் எலும்புகள் 40 வயதிற்கு மேலும் இரும்பு போல் வலுவாக இருக்கும்.

வயதான காலத்திலும் எலும்புகள் வலுவாக இருக்க பால் சார்ந்த பொருட்களை அதிகம் உணவுகளில் சேர்த்து கொள்ள வேண்டும். அவற்றில் கால்சியம் நிறைந்து இருப்பதால் எலும்பு ஆரோக்கியத்திற்கு உதவுகிறது.

கால்சியம் தவிர பாலில் வைட்டமின் டி நிறைந்துள்ளது. இதுதவிர பல்வேறு ஊட்டச்சத்துக்களும் பாலில் உள்ளது. தயிர், நெய், சீஸ் போன்ற பால் சார்ந்த உணவுகளை தினசரி எடுத்து கொள்ளலாம்.

முட்டைக்கோஸ் போன்ற இலை காய்கறிகளை உணவுகளில் எடுத்து கொள்ள வேண்டும். இவற்றில் வைட்டமின்கள் மற்றும் தாதுக்கள் நிறைந்துள்ளது. எலும்பு வலுவாக இருக்க இவை உதவுகிறது.

உறுதியான எலும்புகளை பெற பாதாம் பருப்புகளை சாப்பிடலாம். அவற்றில் நல்ல கொழுப்புகள், நார்ச்சத்து, மெக்னீசியம் போன்ற சத்துக்கள் நிறைந்துள்ளது.