IPL Points Table 2024: சிஎஸ்கே பின்னுக்கு தள்ளி ஆர்ஆர் டாப்! மும்பை எத்தனையாவது இடம் தெரியுமா?

முந்தைய போட்டியில் சன்ரைசர்ஸ் அணிக்கு எதிராக மும்பை அணியும் அதிரடியாக ஆடி 240 ரன்களுக்கு மேல் எடுத்ததால், சேஸிங்கில் அந்த அணி எப்படி அடித்துவிடும் என்பதையும் சஞ்சு சாம்சன் கருத்தில் கொண்டு இந்த முடிவை எடுத்தார். ஆனால், ராஜஸ்தான் ராயல்ஸ் அணியின் டிரெண்ட் போல்ட் முதல் ஓவர் பந்துவீசியதும் சிக்சர் மழை என்ற கனவெல்லாம் கனவாகவே போனது. அவர் வீசிய பந்துகள் எல்லாம் தீப்பொறி ரகமாக மும்பை இந்தியன்ஸ் பேட்ஸ்மேன்களை நோகடித்தது. 

இஷான் கிஷன் தட்டுதடுமாறி மூன்று பந்துகளுக்கு பிறகு ஒரு ரன் எடுக்க, ரோகித் சர்மா ஸ்டிரைக் சென்றார். அவர் எப்படி ஆடுவார் என எதிர்பார்க்கப்பட்ட நேரத்தில் முதல் பந்திலேயே கேட்ச் என்ற முறையில் அவுட்டாகி வெளியேறினார். சஞ்சு சாம்சன் சூப்பராக விக்கெட் கீப்பில் டைவ் அடித்து கேட்ச் பிடித்தார். அவருக்கு அடுத்த பால் ஆட வந்த மும்பை இந்தியன்ஸ் வீரர் நமன், சந்தித்த முதல் பந்திலேயே எல்பிடபள்யூ ஆகி வெளியேறினார்.

முதல் ஓவரில் இரண்டு விக்கெட்டுகளை இழந்த நிலையில் அடுத்த சில பந்துகளில் டெவால்ட் ப்ரீவிஸ் கேட்ச் என்ற முறையில் டிரெண்ட் போல்ட் பந்தில் அவுட்டாகி வெளியேறினார். மறுமுனையில் கொஞ்சம் அதிரடியாக ஆடிக் கொண்டிருந்தார் இஷான் கிஷன். ஒரு சிக்சர் 2 பவுண்டரி அடித்த அவருக்கு ஒரு அதிர்ஷடம் அடித்தது. நன்ரே பர்க்கர் வீசிய இரண்டாவது ஓவரில் எல்டபள்யூ ஆனார். அதனை ராஜஸ்தான் கேப்டன் ரிவ்யூ எடுத்திருந்தால் அவுட்டாகியிருப்பார். ஆனால் பந்து ஸ்டம்புக்கு மேலே செல்லும் என நினைத்து சாம்சன் எடுக்கவில்லை. ரிப்ளேவில் அது சூப்பரான அவுட் என தெரிந்தது.

 இருப்பினும் இஷான் கிஷன் நீண்ட நேரம் எல்லாம் நீடிக்கவில்லை. மீண்டும் ராஜஸ்தான் அணியின் நான்காவது ஓவரை வீச வந்த நன்ரே பந்துவீச்சில் விக்கெட் கீப்பரிடம் கேட்ச் கொடுத்து அவுட்டானார். இதனால், 20 ரன்களுக்கு 4 விக்கெட்டுகளை இழந்து பரிதாபமான நிலையில் இருந்தது. அப்போது திலக் வர்மா, கேப்டன் ஹர்திக் பாண்டியாவும் சேர்ந்து பார்ட்னர்ஷிப் அமைத்து அதிரடியாக ஆடினர். வான்கடே பிட்சை பொறுத்தவரையில் இன்று வேகப்பந்து, சுழற்பந்துவீச்சு என இரண்டுக்குமே சாதகமாக இருந்தது. இதானலேயே மும்பை இந்தியன்ஸ் வீரர்கள் அடுத்தடுத்து அவுட்டாகி வெளியேறினர்.

20 ஓவர் முடிவில் மும்பை இந்தியன்ஸ் அணி 9 விக்கெட் இழப்பிற்கு 125 ரன்கள் எடுத்தது. ராஜஸ்தான் ராயல்ஸ் அணி பந்துவீச்சு தரப்பில் சாகல், போல்ட் தலா 3 விக்கெட்டுகளும், பர்கர் இரண்டு விக்கெட்டுகளையும், ஆவேஷ் கான் ஒரு விக்கெட்டையும் வீழ்த்தினார். இதனையடுத்து களமிறங்கிய ராஜஸ்தான் ராயல்ஸ் அணியில் ஜெய்ஷ்வால் 10 ரன்களுக்கும், பட்லர் 13 ரன்களுக்கும், சாம்சன் 12 ரன்களுக்கும் அடுத்தடுத்து அவுட்டாகி வெளியேறினர்.

உட்சக்கட்ட பார்மில் இருக்கும் ரியான் பராக் இந்த போட்டியிலும் சிறப்பாக விளையாடி அரைசதம் அடித்தார். அவர் 39 பந்துகளில் 54 ரன்கள் எடுத்தார். இதில் 3 சிக்சர்களும், 5 பவுண்டரிகளும் அடங்கும். அஸ்வின் 16 ரன்கள் எடுத்தார். முடிவில் ராஜஸ்தான் அணி 15.3 ஓவர்களிலேயே 4 விக்கெட் இழப்புக்கு 127 ரன்கள் எடுத்து வெற்றி பெற்றது. 

இதுவரை ராஜஸ்தான் அணி விளையாடிய 3 போட்டிகளிலும் வெற்றி பெற்று புள்ளிப் பட்டியலில் முதல் இடத்தில் இருந்த சென்னை சூப்பர் கிங்ஸ் அணியை பின்னுக்கு தள்ளி முதல் இடத்துக்கு முன்னேறியது. அதேபோல் ஆடிய அனைத்து போட்டிகளிலும் தோல்வியை தழுவிய மும்பை இந்தியன்ஸ் அணி புள்ளிப் பட்டியலில் 10வது இடத்தில் உள்ளது.