கொலஸ்ட்ராலைக் குறைக்க இதை கட்டாயம் சாப்பிடுங்கள்

வால்நட் கொலஸ்ட்ராலுக்கு மருந்தாகும்

வால்நட்ஸில் ஒலிக் அமிலம் போன்ற பாலிஅன்சாச்சுரேட்டட் கொழுப்பு அமிலங்களும், ஆல்பா-லினோலெனிக் அமிலம் போன்ற ஒமேகா 3 கொழுப்பு அமிலங்களும் நிறைந்துள்ளன. இந்த ஆரோக்கியமான கொழுப்புகள் இயற்கையாகவே கொழுப்பைக் குறைக்கின்றன. நல்ல கொலஸ்ட்ரால் மற்றும் கெட்ட கொலஸ்ட்ரால் விகிதத்தை மேம்படுத்துகிறது. இது தவிர, வால்நட்டில் கொலஸ்ட்ராலை குறைக்க உதவும் நார்ச்சத்தும் உள்ளது. 

நீரிழிவு நோயாளிகளுக்கு நன்மை

டைப் 2 நீரிழிவு நோயாளிகள் தினமும் வால்நட் சாப்பிடுவதால் கொலஸ்ட்ரால் 10 சதவீதம் குறைகிறது என ஆய்வில் தெரியவந்துள்ளது. 30 கிராம் வால்நட்ஸ் பருப்புகளை உட்கொள்வதன் மூலம் இது நிகழ்கிறது. இது உடலில் எச்.டி.எல் அளவை அதிகரிக்கிறது மற்றும் அதனுடன் இதயம் தொடர்பான நோய்களின் அபாயத்தையும் குறைக்கிறது.

முடி பிரச்சனை நீங்கும்

உங்கள் தலைமுடியை பராமரிக்க விரும்பினாலும் வால்நட் சாப்பிடுங்கள். இதில் வைட்டமின் பி7 உள்ளது, இது உங்கள் தலைமுடியை பலப்படுத்துகிறது, உதிர்வதைத் தடுக்கிறது மற்றும் முடியை நீளமாக்குகிறது. இதில் உள்ள ஊட்டச்சத்துக்கள், நார்ச்சத்து, ஆக்ஸிஜனேற்றிகள் மற்றும் கொழுப்பு அமிலங்கள் மன அழுத்தத்தை எதிர்த்துப் போராட உதவுகிறது.

கொலஸ்ட்ராலுக்கு வால்நட்

அமெரிக்கன் ஹார்ட் அசோசியேசன் வெளியிட்ட ஆய்வறிக்கையில், தினமும் அரை கப் வால்நட்ஸ் எடுத்துக்கொள்ளும் நபர்களுக்கு, குறைந்த அடர்த்தி கொண்ட கொழுப்புப் புரதம், அதாவது கெட்ட கொழுப்பு என்று கூறப்படும் எல்டிஎல் (LDL) குறைவாக காணப்படுவதாக தெரிவிக்கப்பட்டுள்ளது.