விமான பயணிகளுக்கான சிறப்பு சலுகைகளை வாரி வழங்கும் SBI - முழு விவரம் இதோ!!

ஸ்டேட் பாங்க் ஆப் இந்தியா yatra.com உடன் இணைந்து இந்த சலுகையை வழங்கியுள்ளது. இந்த சலுகை டிசம்பர் 31 வரை செல்லுபடியாகும். இந்த சலுகையைப் பயன்படுத்த, டிக்கெட் விவரங்களை பூர்த்தி செய்த பிறகு கட்டணம் செலுத்தும்போது நீங்கள் கூப்பன் குறியீடான YTFLYNOW -ஐ பயன்படுத்த வேண்டும். நீங்கள் கூப்பன் குறியீட்டை உள்ளிட்டவுடன், சலுகையின் கீழ் உங்கள் கட்டணத்திலிருந்து ரூ. 340 குறைக்கப்படும்.

இந்த சலுகையைப் பயன்படுத்த, முதலில் நீங்கள் ஸ்டேட் பாங்க் ஆப் இந்தியாவின் யோனோ செயலியில் (YONO App) உள்நுழைய வேண்டும். உள்நுழைந்த பிறகு, நீங்கள் ‘Shop and Order’ ஆப்ஷனை கிளிக் செய்ய வேண்டும். இங்கே நீங்கள் விமானம், ரயில் மற்றும் பஸ் ஆகியவற்றின் ஆப்ஷன்களைப் பெறுவீர்கள். இங்கே கிளிக் செய்த பிறகு yatra.com இன் ஆப்ஷனைப் பெறுவீர்கள். இந்த ஆப்ஷனை கிளிக் செய்து டிக்கெட்டுகளை முன்பதிவு செய்யலாம்.

இந்த சலுகையின் கீழ் டிக்கெட் முன்பதிவு செய்யும் போது விற்பனை, தரம், அம்சம், தயாரிப்பு அல்லது சேவை தொடர்பாக ஏதேனும் சிக்கலை எதிர்கொண்டால், அதற்கு ஸ்டேட் பாங்க் ஆப் இந்தியா எந்த வகையிலும் பொறுப்பேற்காது என்று ஸ்டேட் பாங்க் ஆப் இந்தியா (State Bank of India) தெளிவாகக் கூறியுள்ளது. வணிக பங்குதாரர் இதற்கு முழு பொறுப்பு வகிப்பார்.

ஸ்டேட் பாங்க் ஆப் இந்தியா வாடிக்கையாளர்களுக்கு சிறந்த அனுபவத்தை அளிக்க அவ்வப்போது புதிய சலுகைகளை அளித்து வருகிறது. இப்போது SBI, yatra.com உடன் இணைந்து விமான பயணம் மேற்கொள்ளும் தனது வாடிக்கையாளர்களுக்காக இந்த சலுகையை வழங்கியுள்ளது.