அஜித்திற்கு வில்லனாகும் எஸ்ஜே சூர்யா! அதுவும் இந்த படத்தில்?

அஜித் தற்போது விடாமுயற்சி படத்தின் படப்பிடிப்பில் பிஸியாக நடித்து வருகிறார். இந்த படத்தை மகிழ்திருமேனி இயக்க த்ரிஷா, ரெஜினா, ஆரவ் ஆகியோர் நடித்து வருகின்றனர்.

லைகா நிறுவனம் விடாமுயற்சி படத்தை தயாரிக்க, இந்தப் படத்திற்கு அனிருத் இசையமைக்கிறார்.  விடாமுயற்சி படத்தின் படப்பிடிப்பு  அஜர்பைஜானிலேயே தற்போது நடைபெற்று வருகிறது.  

விடாமுயற்சி படத்திற்கு பிறகு அஜித் அவரது ரசிகரும் இயக்குனருமான ஆதிக் ரவிச்சந்திரன் இயக்கத்தில் நடிக்க உள்ளார் என்று கூறப்படுகிறது.

ஆதிக் இயக்கத்தில் எஸ்.ஜே.சூர்யா, விஷால் நடிப்பில் சமீபத்தில் வெளியான மார்க் ஆண்டனி படம் மிகப்பெரிய ஹிட் அடித்தது.  

இந்த நிலையில் ஆதிக் இயக்கும் அடுத்த படத்தில் எஸ்.ஜே.சூர்யா வில்லனாக நடிக்க அதிக வாய்ப்புள்ளதாக தகவல் வெளியாகி உள்ளது. 

தற்போது எஸ்.ஜே.சூர்யா ஜிகர்தண்டா 2, இந்தியன் 2 ஆகிய படங்களில் நடித்து வருகிறார். மேலும் பல படங்களில் கமிட் ஆகி உள்ளார்.  

ஏற்கனவே அஜித்க்கு வில்லனாக நடிக்க வேண்டும் என்று எஸ்ஜே சூர்யா கூறி இருந்த நிலையில், இந்த படத்தில் அவரது ஆசை நிறைவேறும் என்று எதிர்பார்க்கப்படுகிறது.