தளபதி விஜய்யுடன் இணையும் ஷங்கர்? அரசியல் சார்ந்த கதையா?

விஜய் தனது லியோ படத்திற்கான பணிகளை முடித்துவிட்டு ஆகஸ்ட் மாதத்திற்குள் 'தளபதி 68' படப்பிடிப்பைத் தொடங்க வாய்ப்புள்ளது. இந்த படத்தை வெங்கட் பிரபு இயக்குகிறார் மற்றும் ஏஜிஎஸ் என்டர்டெயின்மென்ட் மூலம் தயாரிக்கப்படுகிறது.

இதற்கிடையில், 'தளபதி 69' படத்தை இயக்க இயக்குனர் அட்லீ பேச்சுவார்த்தை நடத்தி வருவதாகவும், 'தளபதி 70' படத்தை இயக்குவதற்கு இயக்குனர் ஷங்கர் இயக்க அதிக வாய்ப்பு இருப்பதாக தகவல் வெளியாகி உள்ளது.

விஜய்யை வைத்து ஷங்கர் இயக்கும் படம் அரசியல் த்ரில்லராக இருக்கும் என்று கூறப்படுகிறது. விஜய்க்கு  ஷங்கர் மூன்று கதைகளைச் சொன்னதாகவும் ஆனால் விஜய்க்கு அதில் ஆர்வம் இல்லை என்ற செய்தி வைரலாகி வருகிறது.

2014ல் தளபதி விஜய்யை ஹீரோவாகவும், சியான் விக்ரம் வில்லனாகவும் ஷங்கர் ஒரு மல்டிஸ்டாரர் ஸ்கிரிப்டை உருவாக்கியதாக கூறப்படுகிறது. பின்னர் அவர் 2017ல் 'முதல்வன் 2' ஐடியா மற்றும் 2018ல் 3D அறிவியல் புனைகதை ஸ்கிரிப்டைக் சொன்னதாகவும் கூறப்படுகிறது.

ஆனால் இந்த திட்டங்கள் நிறைவேறவில்லை. இப்போது தளபதி 70க்கு, ஷங்கர் ஒரு மாஸான அரசியல் த்ரில்லருடன் வந்துள்ளார், ஆனால் இன்னும் இந்த படம் உறுதியாகவில்லை.