லியோ படத்திற்கு 4 மணி காட்சிகள் கிடைக்குமா?

லியோ படத்திற்கு 4 மணி காட்சிகள் கிடைக்குமா? நீதிமன்றம் கூறுவது என்ன? 

லியோ படத்தின் தமிழ்நாட்டில் 9 மணி காட்சிதான் முதல் காட்சி என்று தமிழக அரசு அறிவித்துள்ளது. ஆனால், பிற மாநிலங்களில் 4 மற்றும் 5 மணி காட்சிகள் முதல் காட்சிகளளாக உள்ளது. 

இதையடுத்து, லியோ படத்தின் தயாரிப்பு நிறுவனத்தின் சார்பில் தமிழகத்தில் ரிலீஸின் முதல் நாளில் 4 மணி மற்றும் 7 மணி காட்சிக்கு அனுமதிக்க கோரி அவசர வழக்கு தொடுக்கப்பட்டுள்ளது. 

இதற்கான தீர்ப்பு நாளை வழங்கப்படும் என சென்னை உயர்நீதி மன்றம் உத்தரவிட்டுள்ளது. 

ரசிகர்கள், அதிகாலை காட்சிகள் இல்லாத காரணத்தால் கவலையடைந்துள்ளனர். 

இதற்கு முன்னர் வெளியான விஜய்யின் சில படங்களுக்கும் இதே போன்ற நிலை ஏற்பட்டுள்ளது.

லியோ படம், வரும் 19ஆம் தேதி வெளியாக உள்ளது. இதில் விஜய்யுடன் இணைந்து த்ரிஷா, கௌதம் வாசுதேவ் மேனன், மிஷ்கின், அர்ஜூன், சஞ்சய் தத் உள்ளிட்ட பலர் நடித்துள்ளனர்.