இயக்குனர் அட்லீ-யின் அடுத்த படைப்பு ‘அந்தகாரம்’; trailer வெளியானது...

இயக்குனர் அட்லீ தனது சொந்த தயாரிப்பு நிறுவனமான A for Apple-ன் கீழ் ஜீவாவின் சங்கிலி புங்கிளி கதவ தொற திரைப்படத்துடன் 2017-ஆம் ஆண்டில் தயாரிப்பில் இறங்கினார். இந்நிலையில் தற்போது இயக்குனர் / தயாரிப்பாளர் தனது அடுத்த தயாரிப்பு முயற்சியை அறிவித்துள்ளார்.

அந்த வகையில் நீண்ட காலமாக கிடப்பில் வைத்திருந்த அந்தகாரம் என்ற திரைப்படத்தின் உரிமையை பிகில் இயக்குனர் தற்போது பெற்றுள்ளார். அறிமுக திரைப்பட இயக்குனர் விக்னராஜன் இயக்கியுள்ள இத்திரைப்படத்தில் கைதி புகழ் அர்ஜுன் தாஸ் மற்றும் நான் மகான் அல்லா புகழ் வினோத் கிஷன் ஆகியோர் முக்கிய கதாபாத்திரங்களில் நடிக்கின்றனர்.

இந்நிலையில் செவ்வாயன்று அட்லீ படத்தின் அதிகாரப்பூர்வ ட்ரைலரை வெளியிட்டுள்ளார்.

முன்னதாக ஒரு நேர்காணலில் படத்தின் இயக்குனர், "இந்த படம் ஒரு இயற்கைக்கு அப்பாற்பட்ட சஸ்பென்ஸ் த்ரில்லர் திரைப்படமாக அமையும். அர்ஜுன் தாஸ், வினோத் கிஷன், பூஜா ராமச்சந்திரன், குமார் நடராஜன் மற்றும் மிஷா கோஷல் ஆகியோர் நடித்துள்ளனர். கடந்த ஆண்டு படத்தின் படப்பிடிப்பை நாங்கள் முடித்தோம், விளம்பர செயல்பாடுகளுடன் படத்தை வெளியிட முயற்சிக்கையில் நாடு தழுவிய முழு அடைப்பு நடைமுறைக்கு வந்தது. அதனால்தான் நாங்கள் ஒரு குறைந்த முக்கிய அறிவிப்பைத் தேர்ந்தெடுத்துள்ளோம். இயக்குனர் அட்லீ படத்தைப் பார்த்தார், அவர் மிகவும் விரும்பினார், எனவே அவர் இப்போது அதை வழங்குகிறார்" என தெரிவித்திருந்தார்.

இப்படத்தில் பூஜா ராமச்சந்திரன், குமார் நடராஜன், மிஷா கோஷல் ஆகியோர் முக்கிய வேடங்களில் நடிக்கின்றனர். O2 பிக்சர்ஸ் நிறுவனத்தின் கே பூர்ணா சந்திரா மற்றும் பிரியா அட்லீ ஆகியோருடன் இணைந்து பேஷன் ஸ்டுடியோஸ் தயாரிப்பைச் சேர்ந்த சுதன் சுந்தரம் மற்றும் ஜெயரம் ஆகியோர் இப்படத்தை தயாரித்துள்ளனர். இப்படத்திற்கு பிரதீப் குமார் இசையமைப்பார் பொறுப்பை ஏற்றுள்ளார், டமால் டுமீல் புகழ் AM எட்வின் சாகேவின் ஒளிப்பதிவு செய்துள்ளார்.

அட்லீயின் படைப்பில் இறுதியாக வெளியான திரைப்படம் பிகில், தளபதி விஜய் முன்னணி பாத்திரம் ஏற்றார். விளையாட்டை முக்கியமாக கொண்டு உருவாக்கப்பட்ட இந்த திரைப்படத்தில் நயன்தாரா பெண் கதாபாத்திரத்தில் நடித்திருந்தார். இப்படத்தில் விஜய் இரட்டை வேடத்தில் நடித்திருந்தார். ஜாக்கி ஷிராஃப் முக்கிய வில்லனாக நடித்தார், விவேக் மற்றும் யோகி பாபு ஆகியோர் துணை வேடங்களில் நடித்திருந்தனர் என்பது குறிப்பிடத்தக்கது.