சேவல் மீது ஜாலியாக ரைட் செய்யும் பூனைக்குட்டி! வைரலாகும் வீடியோ!

பூனைக்குட்டிகளின் சேட்டைகள் ஒவ்வொரு நாளும் அதிகரித்துக்கொண்டே செல்கிறது, ஆனால் அவை வெறுக்கும்படியாக இல்லாமல் ரசிக்கும்படியாக இருக்கின்றன.  பலரது வீடுகளிலும் நாய், பூனை போன்ற விலங்குகளை வளர்த்து, அவற்றின் குறும்புகளை பதிவு செய்து இணையத்தில் பதிவேற்றி மகிழ்ந்து வருகின்றனர்.  தற்போது இணையத்தில் ஒரு பூனையின் குறும்பான செயல் வைரலாகி வருகிறது, அந்த பூனைக்குட்டியானது ஒரு சேவலின் மீது ஏறி சவாரி செய்கிறது, இதனை பலரும் ரசித்து வருகின்றனர்.  இதனைப்போலவே ஏற்கனவே ஒரு பூனைக்குட்டி, ஆமையின் மீது அழகாக அமர்ந்துகொண்டு சவாரி செய்த வீடியோ இணையத்தில் வைரலாக நிலையில் தற்போது இந்த வீடியோ வைரலாகி வருகிறது.

ட்விட்டரில், எபீஸ் ஆஃப் நேச்சர் என்கிற கணக்கு பக்கத்தில் இந்த வீடியோ பகிரப்பட்டு இருக்கிறது.  அந்த வீடியோவில் சாலைப்பகுதியில் சேவல் ஒன்றும், அதனருகில் பூனைக்குட்டி ஒன்றும் நிற்பதை காண முடிகிறது.  முதலில் அந்த பூனை சேவலின் மீது ஏற முயற்சி செய்கிறது, பின்னர் அலேக்காக சேவலின் மீது ஏறி சவுகரியமாக படுத்து கொள்கிறது.  அந்த சேவல் பூனைக்குட்டியை தன மீது சுமந்தபடியே ஒவ்வொரு அடியாக எடுத்து வைத்து நடந்து செல்கிறது, பூனைக்குட்டி உற்சாகமாகவும், சொகுசாகவும் சேவலின் மீது சவாரி செய்கிறது.

இணையத்தில் பதிவேற்றப்பட்ட இந்த அழகிய வீடியோவை இதுவரை ஒரு மில்லியனுக்கும் மேற்பட்ட பார்வையாளர்கள் பார்த்து ரசித்து இருக்கின்றனர்.  மேலும் இந்த வீடியோவிற்கு மூன்றாயிரத்திற்கும் மேற்பட்ட லைக்குகள் குவிந்துள்ளனர், இணையவாசிகள் பலரும் இந்த வீடியோவை பகிர்ந்தும், கமெண்ட் செய்தும் வருகின்றனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR