புதன் பெயர்ச்சி லக்கி ராசிகள்: இன்னும் 6 நாட்களில் இவர்களுக்கு ராஜயோகம் ஆரம்பம்

Mercury Transit: ஜோதிட சாஸ்திரத்தின் படி அனைத்து கிரகங்களும் ஒரு குறிப்பிட்ட காலத்தில் தங்கள் ராசிகளை மாற்றுகின்றன. இந்த ராசி மாற்றங்கள் கிரக பெயர்ச்சிகள் என்று அழைக்கப்படுகின்றன. இது தவிர, கிரகங்களின் நட்சத்திரங்கள், உதய, அஸ்தமன நிலைகள், வக்கிர பெயர்ச்சி, வக்ர நிவர்த்தி என இன்னும் பல வித மாற்றங்களும் ஏற்படுகின்றன. 

ஜோதிட கணக்கீடுகளின் படி பிப்ரவரி 20 ஆம் தேதி புதன் கும்ப ராசியில் பெயர்ச்சியாக உள்ளார். கும்ப ராசியில் ஏற்கனவே சூரியனும் சனியும் இருக்கிறார்கள். இந்த நிலையில் புதன் கிரகமும் கும்ப ராசியில் பெயர்ச்சி ஆவதால் அந்த ராசியில் திரிகிரகி யோகம் (Trigrahi Yog) உருவாகும். 

திரிகிரகி யோகம் ஒரு சுப யோகமாக கருதப்படுகின்றது. இந்த யோகத்தின் தாக்கம் அனைத்து 12 ராசிகளிலும் இருக்கும். எனினும், சில ராசிகளுக்கு இதனால் அதிகப்படியான நற்பலன்கள் கிடைக்கும். இவர்களுக்கு வியாபாரத்தில் பெரிய அளவிலான லாபம் கிடைக்க வாய்ப்பு உள்ளது. மாணவர்களுக்கு போட்டித் தேர்வுகளில் வெற்றி கிடைக்கும். அந்த அதிர்ஷ்ட ராசிகளைப் (Zodiac Signs) பற்றி இந்த பதிவில் காணலாம்.

புதன் பெயர்ச்சியால் மகிழ்ச்சி மழையில் நனையவுள்ள ராசிகள்

மேஷம் (Aries)

மேஷ ராசிக்காரர்களுக்கு புதன் பெயர்ச்சியால் உருவாகும் திரிகிரகி யோகத்தால் விசேஷமான பலன்கள் கிடைக்க உள்ளன. புதன் கிரகத்தின் அருளால் இந்த நேரத்தில் பொருளாதார ரீதியாக முன்னேற்றம் காண்பீர்கள். நிதிநிலை நன்றாக இருக்கும். வியாபாரத்தில் ஈடுபட்டுள்ள மேஷ ராசிக்காரர்களுக்கு தற்போது அதிகப்படியான லாபம் கிடைக்கும். அலுவலகப் பணிகளில் இருக்கும் மேஷ ராசிக்காரர்களுக்கு இந்த காலத்தில் ஊதிய உயர்வும் பதவி உயர்வும் கிடைக்க வாய்ப்பு உள்ளது. வாழ்க்கைத் துணையுடன் உங்கள் உறவுகள் நன்றாக இருக்கும். இந்த பெயர்ச்சியின் தாக்கத்தால் உடல் நலனில் முன்னேற்றம் ஏற்படும். 

ரிஷபம் (Taurus)

ரிஷப ராசிக்காரர்களுக்கு புதன் பெயர்ச்சியால் உருவாகும் திரிகிரகி யோகத்தால் அதிகப்படியான நற்பலன்கள் கிடைக்கும். இந்த காலத்தில் உங்கள் நிதிநிலை நன்றாக இருக்கும். எதிர்பாராத இடங்களில் இருந்து பண வரவு இருக்கும். பணியிடத்தில் நல்ல முன்னேற்றமும் காணப்படும். குடும்பத்தில் சுப நிகழ்ச்சிகள் நடக்கும். நீண்ட நாட்களாக உங்களை வாட்டி வதைத்து வந்த பிரச்சனைகளுக்கு இப்போது தீர்வு கிடைக்கும். தடைபட்டிருந்த காரியங்களை இப்போது வெற்றிகரமாக நிறைவேறும். 

மிதுனம் (Gemini)

மிதுன ராசிக்காரர்களுக்கு புதன் பெயர்ச்சி அதிர்ஷ்டமானதாக இருக்கும். அலுவலகப் பணிகளுக்காக இந்த காலத்தில் பல பயணங்களை மேற்கொள்வீர்கள். இந்த பயணங்களால் உங்களுக்கு அனுகூலமான பலன்கள் கிடைக்கும். பொருளாதார ரீதியாக இந்த காலத்தில் நல்ல முன்னேற்றம் காண்பீர்கள். நிதி நிலை நன்றாக இருக்கும். உங்கள் உழைப்புக்கு ஏற்ற பலன் கிடைக்கும். சமூகத்தில் உங்கள் மதிப்பும் மரியாதையும் அதிகரிக்கும். உடல் ஆரோக்கியம் நன்றாக இருக்கும். உறவினர்கள் மற்றும் நண்பர்களின் பரிபூரண ஆதரவு கிடைக்கும்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!