T20 World Cup 2020 தொடரை நியூசிலாந்தில் நடத்தலாம்: டீன் ஜோன்ஸ் பரிந்துரை

சிட்னி: ஆஸ்திரேலியாவின் முன்னாள் பேட்ஸ்மேன் டீன் ஜோன்ஸ் புதன்கிழமை, டி 20 உலகக் கோப்பை (T20 World Cup 2020) தொடரை நியூசிலாந்தில் விளையாட முடியும் என்று கூறியுள்ளார். நியூசிலாந்து நாட்டின் பிரதமர் ஜசிந்தா ஆர்டெர்ன் சமூக தொலைதூர வழிகாட்டுதல்களை சரியான நடவடிக்கை மூலம் எளிதாக கையாண்டுள்ளார்.

டி-20 உலகக் கோப்பை (ICC T20 World Cup 2020) இந்த ஆண்டு இறுதியில் ஆஸ்திரேலியாவில் அக்டோபர் 18 முதல் நவம்பர் 15 வரை நடைபெற உள்ளது.ஆனால் கொரோனா வைரஸ் காரணமாக போட்டியின் எதிர்காலம் என்னவென்று தெரியவில்லை. 

"அடுத்த வாரம் நியூசிலாந்து கொரோனா முதல் எச்சரிக்கை நிலைக்கு செல்ல முடியும் என்று ஜசிந்தா ஆர்டெர்ன் கூறினார். இதன் பொருள் அனைத்து சமூக தொலைதூர நடவடிக்கைகள் மற்றும் வெகுஜன கூட்டங்கள் மீதான தடைகள் நீக்கப்படும் என்று அவர் கூறினார். இதன் அடிப்படையில் அங்கு டி 20 உலகக்கோப்பை தொடர் விளையாடலாமா? என்ற கோணத்தில் கிரிக்கெட் ஆர்வலகர்கள் சிந்தித்து வருகின்றனர்.

முன்னதாக இன்று, நியூசிலாந்து (New Zealand) பிரதமர் ஜசிந்தா ஆர்டெர்ன் எச்சரிக்கை நிலை 1 இன் கீழ் விமானங்களில் சமூக விலகல் தேவையில்லை என்று அறிவித்ததாக stuff.co.nz தெரிவித்துள்ளது.

வழிகாட்டுதல்களின்படி, கட்டுப்பாடுகள் நீக்கப்படும் மற்றும் வணிகங்கள் மற்றும் சேவைகள் தொடர்பான அனைத்து தற்போதைய COVID-19 விதிகளும் எச்சரிக்கை நிலை 1 இன் கீழ் நீக்கப்படும். இருப்பினும், எல்லை கட்டுப்பாடுகள் நடைமுறையில் இருக்கும்.

Stuff.co.nz இன் அறிக்கையின்படி, நியூசிலாந்தின் அமைச்சரவை அடுத்த வாரம் நாடு ஊரடங்கு நிலைகளை தளர்த்துமா என்பது குறித்து முடிவு செய்யும் என்று எதிர் பார்க்கப்படுகிறது.

கடந்த வாரம், சர்வதேச கிரிக்கெட் கவுன்சில் (ஐ.சி.சி -ICC) டி 20 உலகக் கோப்பையின் தலைவிதி குறித்த முடிவை ஜூன் 10 வரை ஒத்திவைத்தது.

கொரோனா வைரஸ் தொற்றுநோய் காரணமாக அனைத்து சர்வதேச கிரிக்கெட்டும் மார்ச் முதல் இடை நிறுத்தப்பட்டுள்ளது.

கடந்த சில வாரங்களாக, டி 20 உலகக் கோப்பை (T20 World Cup 2020) ஒத்திவைக்கப்படும் என்று பல தகவல்கள் தெரிவிக்கின்றன. ஆனால் தற்போது வரை இறுதி முடிவு எதுவும் எடுக்கப்படவில்லை என்று ஐ.சி.சி தெளிவுபடுத்தியுள்ளது.