அர்ஜுன் டெண்டுல்கரை சச்சினுடன் ஒப்பிட வேண்டாம் - கபில் தேவ்!

சச்சின் டெண்டுல்கரையும் அவரது மகன் அர்ஜுன் டெண்டுல்கரையும் ஒப்பிட வேண்டாம் என உலகக் கோப்பையை வென்ற இந்திய கேப்டன் கபில்தேவ் தெரிவித்துள்ளார்.  22 வயதான அர்ஜுன் டெண்டுல்கர், மும்பை இந்தியன்ஸ் அணியில் ஒரு பகுதியாக இருந்து வருகிறார்.  அவர் இன்னும் இந்தியன் பிரீமியர் லீக்கில்  (ஐபிஎல்) அறிமுகம் ஆகவில்லை. இந்தியன் பிரீமியர் லீக் 2022-ல், ரோஹித் ஷர்மா தலைமையில் மும்பை அணி தொடர் தோல்விகளை சந்தித்தது.  அணியில் உள்ள அனைத்து வீரர்களுக்கும் வாய்ப்பு வழங்கப்பட்ட நிலையில் அர்ஜுனுக்கு வாய்ப்பு வழங்கப்படவில்லை.

இதற்கிடையில், கபில்தேவ் அர்ஜுனைப் பற்றிப் பேசினார், மேலும் டெண்டுல்கர் குடும்பப்பெயர் காரணமாக அர்ஜுன்க்கு கூடுதல் அழுத்தம் இருப்பதாகவும், அவரது குடும்பப்பெயர் நன்மைகள் மற்றும் தீமைகளைக் கொண்டுவருவதாகவும் கூறினார். அர்ஜுனை தனது தந்தையுடன் ஒப்பிடாமல் சுதந்திரமாக விளையாட அனுமதிக்க வேண்டும் என்றும் அவர் கூறியுள்ளார்.  “எல்லோரும் அவரைப் பற்றி ஏன் பேசுகிறார்கள்? ஏனென்றால் அவர் சச்சின் டெண்டுல்கரின் மகன். அவர் தனது சொந்த கிரிக்கெட்டை விளையாடட்டும், சச்சினுடன் ஒப்பிட வேண்டாம். டெண்டுல்கர் பெயரை வைத்திருப்பதற்கு நன்மைகள் மற்றும் தீமைகள் உள்ளன.

“டான் பிராட்மேனின் மகன் தன் பெயரை மாற்றிக்கொண்டான், ஏனென்றால் அவனால் அந்த வகையான அழுத்தத்தை தாங்க முடியவில்லை. அவர் பிராட்மேன் என்ற குடும்பப்பெயரை நீக்கிவிட்டார், ஏனென்றால் அவர் தனது தந்தையைப் போல் வருவார் என்று அனைவரும் எதிர்பார்த்தனர்" என்று கபில் தேவ் கூறினார்.
மேலும் யாரிடமும் எதையும் நிரூபிக்க நினைக்காமல் சுதந்திரமாக விளையாடி மகிழ்ந்து விளையாடுமாறு அர்ஜுனுக்கு அறிவுரை வழங்கினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR