Union Budget 2021-22: விரைவில் நான்கு மாநிலங்களுக்கு சட்டமன்ற தேர்தல் நடைபெற உள்ளது. இந்த ஆண்டு நடைபெறவுள்ள, இந்த தேர்தல்களை மனதில் வைத்து பாரதீய ஜனதா கட்சி தலைமையிலான மத்திய அரசு, 2021-22 ஆம் ஆண்டுக்கான மத்திய பட்ஜெட்டில் பெரும் நிதியை ஒதுக்கியுள்ளது.  அஸ்ஸாம் (Assam), மேற்கு வங்காளம் (West Bengal), கேரளா (Kerala) மற்றும் தமிழ்நாட்டில் (Tamil Nadu) உள்ள சாலை மற்றும் நெடுஞ்சாலை கட்டுமானத்திற்காக ரூ .2.27 லட்சம் கோடி ஒதுக்கீடு செய்வதாக நிதியமைச்சர் நிர்மலா சீதாராமன் அறிவித்துள்ளார். 


COMMERCIAL BREAK
SCROLL TO CONTINUE READING

நான்கு மாநிலங்களும் அடுத்த சில மாதங்களில் சட்டமன்றத் தேர்தலை (Assembly Elections 2021) நடத்தவுள்ளன. மேற்கு வங்காளத்தில் மம்தா பானர்ஜிக்கு (Mamata Banerjee) ஆட்சிக்கு முடிவு கட்ட பாஜக ஒரு வலுவான சவாலை முன் எடுத்துள்ளது. அதேபோல இரண்டு தென் மாநிலங்களான தமிழ்நாடு மற்றும் கேரளாவில் தனது தளத்தை விரிவுபடுத்த பாஜக போராடி வருகிறது.


நெடுஞ்சாலை கட்டுமானத்திற்காக ஒதுக்கப்பட்ட மொத்த தொகையான ரூ .2.27 லட்சம் கோடியில் தமிழகத்திற்கு அதிகபட்சமாக நிதி கிடைத்துள்ளது. அதைத் தொடர்ந்து கேரளா, அசாம் மற்றும் மேற்கு வங்காளம் உள்ளன. 


ALSO READ | Union Budget 2021: இந்த பட்ஜெட்டில் எந்தத் துறைக்கு என்ன சலுகை மற்றும் நன்மை கிடைத்தது


2021-22 வரவுசெலவுத் திட்டத்தில், நிதி அமைச்சர் நிர்மலா சீதாராமன் (Nirmala Sitharaman) இன்று தமிழ்நாட்டில் 3,500 கி.மீ தேசிய நெடுஞ்சாலை பணிகளுக்கு ரூ. 1.03 லட்சம் கோடி முதலீட்டில் அறிவித்துள்ளார். இதில் மதுரை-கொல்லம் நடைபாதை மற்றும் சித்தூர்-தாட்சூர் நடைபாதை ஆகியவை அடங்கும். இந்த ஆண்டின் பிற்பகுதியில் தமிழ்நாட்டில் தேர்தல் நடைபெறும், இந்த நெடுஞ்சாலைகளின் கட்டுமானம் அடுத்த ஆண்டு தொடங்கும். தமிழ் நாட்டில் பாஜக அதிமுகவுடன் கூட்டணி (BJP Alliance AIADMK) வைத்துள்ளது. கடந்த சட்டமன்றத் தேர்தலில், பாஜ கட்சியால் இங்கு எந்த இடத்தையும் வெல்ல முடியவில்லை.


கேரளாவைப் (Kerala) பொறுத்தவரை, நெடுஞ்சாலை கட்டுமானத்திற்காக மத்திய அரசு ரூ. 64,000 கோடியை ஒதுக்கியுள்ளது. பாஜக கட்சி தனது கால்தடத்தை விரிவாக்குவது கடினமாக இருக்கும் மற்றொரு மாநிலம் இதவாகும். 2019 ல் பாஜக 20 இடங்களில் போட்டியிட்டு ஒரு இடம் கூட வெல்ல முடியவில்லை. இருப்பினும், அதன் வாக்குப் பங்கு 15.64 சதவீதமாக உயர்ந்தது. 2016 சட்டமன்றத் தேர்தலில், காவி கட்சி 140 இடங்களில் போட்டியிட்டு 1 இடத்தில் மட்டுமே வென்றது. ஆனால் அதன் வாக்குப் பங்கு 8.93 அதிகரித்து 14.96 சதவீதமாக இருந்தது.


ALSO READ |  Budget 2021: வருமான வரி slabs பற்றி நிதியமைச்சர் ஏன் எதுவும் அறிவிக்கவில்லை?


சமீபத்தில் நடைபெற்ற நகராட்சித் தேர்தலில் (Municipal Elections in Kerala) பாஜக எதிர்பார்த்த இடங்கள் கிடைக்கவில்லை என்றாலும், 1182 கிராம் பஞ்சாயத்துகள், 37 பஞ்சாயத்துகள், 2 ஜில்லா பஞ்சாயத்துகள், 320 நகராட்சிகள் மற்றும் 59 கார்ப்பரேஷன் வார்டுகளில் வென்றது. கேரளாவைப் பொறுத்தவரை, நிதியமைச்சர் நிர்மலா சீதாராமன் இன்று, ரூ .165,000 கோடி முதலீட்டில் 1,100 கி.மீ தேசிய நெடுஞ்சாலை பணிகளுக்கான முதலீட்டை அறிவித்தார். 


அசாமில் 1300 கி.மீ தேசிய நெடுஞ்சாலைகளை (National highways in Assam) நிர்மாணிக்க ரூ .34,000 கோடியும், மேற்கு வங்கத்தில் 675 கி.மீ நெடுஞ்சாலைகளை உருவாக்க ரூ .25,000 கோடியும் நிதியமைச்சர் ஒதுக்கியுள்ளார். அசாமில், 2016 முதல் பாஜக ஆட்சியில் உள்ளது. 


மேற்கு வங்க மாநிலத்தில் கணிசமான இடங்களில் தங்கள் கால்களை பாஜக (Bharatiya Janata Party) வலுவாக பதித்துள்ளது. 2019 ஆம் ஆண்டில் நடைபெற்ற நாடாளுமன்ற தேர்தலில், பாஜக 42 இடங்களில் போட்டியிட்டு 18 இடங்களில் வெற்றி பெற்று 40.7 சதவீத வாக்குகளைப் பெற்றது.


ALSO READ |  Budget 2021: கேபேசி இனி கையைக் கடிக்குமா? Costly ஆகிறதா Mobile Phone?


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் பெற இப்போது ஜீ இந்துஸ்தான் பயன்பாட்டைப் பதிவிறக்குங்கள்.


Android Link: https://bit.ly/3hDyh4G


Apple Link: https://apple.co/3loQYeR