சசிகலாவிற்கு எதிரான ‛‛ராப்`` பாடல்- வைரல் வீடியோ பார்க்க

சென்னை: சசிகலா முதல்வராக எதிர்ப்பு தெரிவித்து ராப் பாடகி, போயஸ் தோட்டம் முன்பு பாடல் பாடிய வீடியோ, சமூக வலைதளங்களில் தற்போது வைரலாக பரவி வருகிறது. 

சசிகலா முதல்வராக பதவியேற்பதற்கு மக்கள் மத்தியிலும், சமூக ஊடகங்களிலும் பல்வேறு எதிர்ப்புகள் கிளம்பி வரும் நிலையில், சென்னையை சேர்ந்த ‛‛ராப்'' பாடகி சோபியா அஷ்ரப், நான்கு பேர் கொண்ட குழுவுடன் இணைந்து போயஸ் தோட்டத்திற்கு எதிரில், சசிகலா முதல்வராக பதியேற்பதற்கு எதிர்ப்பு தெரிவித்து பாடல் பாடியுள்ளார். 

சசிகலா முதல்வராக பதவியேற்பதற்கு தடையாக #TNSaysNo2Sasi என ஹாஷ்டேக்குகள் டிவிட்டரில் டிரெண்டாகியது. மேலும் சசிகலா பற்றி நகைச்சுவைகளை இணையத்தளத்தில் பகிர்ந்து வருகின்றனர்.

இந்நிலையில் சென்னையை சேர்ந்த ‛‛ராப்'' பாடகி  போயஸ் தோட்டத்திற்கு எதிரில், சசிகலா முதல்வராக பதியேற்பதற்கு எதிர்ப்பு தெரிவித்து அதை லைவ்வாக பேஸ்புக்கில் பதிவு செய்துள்ளார். இந்த வீடியோ தற்போது சமூக வலைதளங்களில் வைரலாக பரவி வருகிறது.