திண்டுக்கல் மாவட்டத்தில் உள்ள அருள்மிகு ஆதிநாதப் பெருமாள் ரங்கநாயகி அம்மாள் கோயில், திண்டுக்கல் மாவட்ட வடமதுரை காவல் நிலைய எல்லையில் மலையின் மேல் அமைந்துள்ளது. இந்த கோயில் சங்க காலத்தில் கட்டப்பட்டதாக கூறப்படும் ஒரு பழமையான கோயில் மற்றும் இந்து அறநிலையத் துறையின் கீழ் செயல்பட்டுவருகிறது. கோயிலில் தரிசனம் செய்யும் பக்தர்களின் விருப்பங்களை நிறைவேற்றும் உள்ளார்ந்த சக்தி இக்கோயிலுக்கு இருப்பதாக கருதப்படுவதால் இக்கோயில் பக்தர்களை வெகுவாக கவர்ந்துவருகிறது.


COMMERCIAL BREAK
SCROLL TO CONTINUE READING

இக்கோயில் கடவுள்கள் மீதுள்ள பக்தியால் ஏராளமான பக்தர்கள் கோயிலுக்கு காணிக்கைகளைச் செலுத்துகிறார்கள். அந்தவகையில் 2007ஆம் ஆண்டு பக்தர்கள் சிலர் பங்களித்து கோயிலில் புதிய சிலைகளை நிறுவ முடிவு செய்தனர். அதன்படி பக்தர்கள் அளித்த நன்கொடைகளில், உலோக சிலைகளை வார்ப்பதில் புகழ்பெற்ற சுவாமிமலையில் உள்ள சிற்பியிடம் ஐந்து சிலைகளை கோயில் ஆர்டர் செய்தது. பின்வரும் ஐந்து சிலைகள் உலோக வெண்கலச் சிலைகளை சுவாமிமலையில் செய்து மேற்கண்ட கோயிலில் நிறுவ உத்தரவிடப்பட்டது.


சிலைகளின் பெயர்கள்


பெருமாள் சிலை


ஸ்ரீதேவி சிலை


பூதேவி சிலை


சந்திரசேகரர் சிலை


பார்வதி சிலை


இந்நிலையில்,  கடந்த மே மாதம் 25ஆம் தேதியன்று திண்டுக்கல் முள்ளிப்பாடியைச் சேர்ந்த சவரிமுத்து மகன் பிரபாகரன் என்பவர், டி.கல்லுப்பட்டியைச் சேர்ந்த குமார், திண்டுக்கல் சீலைவாடியைச் சேர்ந்த ஈஸ்வரன் உள்ளிட்டோர் அருள்மிகு ஆதிநாதப் பெருமாள் ரங்கநாயகி அம்மாள் கோயிலில் புகுந்து கத்தி முனையில் கோயில் நிர்வாகிகளான செயலாளர் சண்முகசுந்தரம் பூசாரிகள் பாண்டியன் மற்றும் ராஜ்குமார் ஆகியோரை மிரட்டியுள்ளனர். மேலும், அவர்களை அழைத்துச் சென்று ஒரு அறையில் அடைத்து வைத்துவிட்டு, மேற்கண்ட ஐந்து சிலைகளை திருடிச் சென்றனர். 



இச்சம்பவம் தொடர்பாக இந்து அறநிலையத்துறை எந்த புகாரும் அளிக்கவில்லை. சில நாட்களுக்கு பின் இச்சிலைகளை விற்கும் பணியில் பால்ராஜ், திண்டுக்கல்லை சேர்ந்த தினேஷ், இளவரசன் ஆகியோரிடம் ஒப்படைக்கப்பட்டது. மேலும் ஐந்து சிலைகளின் விலை 12 கோடி ரூபாய் என நிர்ணயம் செய்யப்பட்டது. 


சிலை கடத்தல் புரோக்கர்கள், ஐந்து சிலைகளுக்கு பன்னிரெண்டு கோடி ரூபாய் விலை பேசுவதாக  தென் மண்டல சிலை கடத்தல் தடுப்பு பிரிவுக்கு தகவல் கிடைத்தது. இதை அறிந்த சிலை கடத்தல் தடுப்பு பிரிவு காவல் துறை இயக்குனர்‌ ஜெயந்த்முரளி மற்றும்‌ காவல்‌ துறை தலைவர்‌ தினகரன்‌ மற்றும் சிலை கடத்தல் தடுப்பு பிரிவு சிஐடி அதிகாரிகள் அடங்கிய குழு கூடுதல் எஸ்பி மலைச்சாமி தலைமையில் தனிப்படை அமைத்தது. 



இத்தனிப்படையினர் குற்றவாளிகளை கைது செய்து சிலைகளை கைப்பற்ற இருவாரங்களாக முயற்சி நடைபெற்றது.
திட்டப்படி எஸ்ஐ ராஜேஷ் சிலை வாங்குபவர் போல் மாறுவேடத்தில் புரோக்கர் பால்ராஜ் மற்றும் தினேஷ் ஆகியோரை அணுகினார். எஸ்.ஐ ராஜேஷ் மீது புரோக்கர்கள் சந்தேகம் அடைந்து சிலைகளை காட்ட மறுத்துவிட்டனர். அவர் உண்மையில் ஒரு உண்மையான வாங்குபவர் என்று தரகர்களை நம்ப வைக்க இரண்டு வாரங்கள் ஆனது. 


மேலும் படிக்க | சென்னை உயர்நீதிமன்றம் அதிரடி தீர்ப்பு: கொண்டாடும் ஓபிஎஸ்...யோசனையில் ஈபிஎஸ்!!


கடந்த 16ஆம் தேதி அன்று புரோக்கர்கள் இறுதியில் முக்கிய குற்றவாளியான பிரபாகரனை சமாதானப்படுத்தி திருடப்பட்ட ஐந்து சிலைகளை வாங்குபவரின் முன் சமர்ப்பிக்கும்படி வற்புறுத்தினார்கள். அப்போது, ஏ.டி.எஸ்.பி மலைச்சாமி தலைமையில் அங்கு பதுங்கியிருந்த சிலைக்கடத்தல் தடுப்பு பிரிவு குழுவினர் அவர்களை மடக்கி பிடித்து சிலைகளை கைப்பற்றினர். இந்த வழக்கில் முக்கிய குற்றவாளிகளான ஈஸ்வரன் மற்றும் சேகர் ஆகிய இருவரும் தீவிரமாக தேடப்பட்டுவருகின்றனர்.


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ