Valimai First Look; வலிமை அப்டேட் வந்து விட்டது: வானதி சீனிவாசன் ட்வீட்

எச்.வினோத் இயக்கத்தில் அஜித் நடித்து வரும் படம் வலிமை (Valimai). இந்த படத்தை போனி கபூர் தயாரித்து வருகிறார். மேலும் இந்தப் படத்தின் ஒளிப்பதிவாளராக நீரவ் ஷா, இசையமைப்பாளராக யுவன் ஆகியோர் பணிபுரிந்து வருகிறார்கள். 

அஜித்துக்கு (Ajith Kumar) ஜோடியாக பாலிவுட் நடிகை ஹூமா குரேஷியும், வில்லனாக தெலுங்கு நடிகர் கார்த்திகேயாவும் நடிக்கின்றனர். வலிமை (Valimai) படத்தின் பெரும்பாலான படப்பிடிப்பு முடிந்துவிட்டது. கொரோனா ஊரடங்கு காரணமாக வலிமை திரைப்படத்தின் படப்பிடிப்பு முடங்கி இருந்த நிலையில் ஐதராபாத்தில நேற்று முதல் இணைப்புக் காட்சிகளுக்கான படப்பிடிப்பு தொடங்கியுள்ளது.

இதற்கிடையே, தற்போது அஜித் ரசிகர்களின் இரண்டாண்டு காத்திருப்புக்கு விடை கிடைத்துள்ளது. வலிமை படத்தின் மோஷன் போஸ்டர் வடிவிலான ஃபர்ஸ்ட் லுக் வெளியாகி உள்ளது. இந்த மோஷன் போஸ்டர் ஃபர்ஸ்ட் லுக் ரசிகர்களிடையே பெரும் வரவேற்பைப் பெற்றுள்ளது.

இந்நிலையில் வலிமை படத்தின் ஃபர்ஸ்ட் லுக் வெளியான நிலையில் இதுகுறித்து வானதி சீனிவாசன் தனது ட்விட்டரில், நான் வெற்றி பெற்றவுடன் வலிமை அப்டேட் வந்துவிட்டது என பதிவிட்டுள்ளார்.

தமிழக சட்டசபைத் தேர்தலில் கோவை தெற்கு தொகுதியில் பாஜக சார்பில் போட்டியிட்ட வானதி சீனிவாசன் அத்தொகுதியில் வெற்றி பெற்றார். தேர்தலின்போது ட்விட்டரில் வீடியோ பதிவிட்ட வானதியிடம் அஜித் ரசிகர் ஒருவர், வலிமை அப்டேட் வேண்டும் என கேட்டிருந்தார்.

அதற்கு பதிலளித்த அவர், நான் வெற்றி பெற்ற உடன் நிச்சயமாக வலிமை பட அப்டேட் கிடைக்கும் தம்பி என கிண்டலாகக் கூறியிருந்தார் என்பது குறிப்பிடத்தக்கது.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, ஜீ இந்துஸ்தான் செயலியை பதிவிறக்குங்கள்.

Android Link: https://bit.ly/3hDyh4G

Apple Link: https://apple.co/3loQYeR