ஆஹா... இது தான் இந்தியாவின் மலிவான 7 Seater கார் - அதாவது WagonR விலையில்!

Cheapest 7 Seater Car In India: கார் என்பது ஆடம்பர செலவு என்ற கட்டத்தில் இருந்து தற்போதைய கடும் நகரமயமாக்கல் சூழலில் அவசிய செலவாகிவிட்டது. நீண்ட தூரம் பயணம், அதிக பேர் சேர்ந்து பயணிக்க, வயதானோர் எளிமையாக பயணம் செய்ய, பொது போக்குவரத்துக்கு வாய்ப்பு குறைவாக இருப்பது போன்ற பல்வேறு காரணிகள் ஒருவர் கார் வாங்குவதை வாடிக்கையாக்கிவிட்டது. 

இருச்சக்கரம் வாங்குவது போன்று கார் இல்லை. உங்களின் குடும்ப உறுப்பினர்களை மனதில் வைத்தும், உங்கள் பட்ஜெட், விருப்பம் ஆகியவற்றை கருத்தில் கொண்டே ஒரு காரை தேர்வு செய்ய முடியும். மேலும், தற்போதைய பெட்ரோல், டீசல் விலையால் நல்ல மைலேஜ் தரும் காரை தான் அனைவரும் எதிர்பார்க்கிறார்கள். ஒரு சிலர் தற்போது எலெக்ட்ரிக் வாகனம் மீது கவனத்தை கொண்டு சென்றாலும், அதன் விலை அதிகம் என்பதால் பலரும் மீண்டும் பெட்ரோல்/டீசல் கார்களுக்கே வந்துவிடுகின்றனர்.

பல்வேறு கார் நிறுவனங்கள் வாடிக்கையாளர்களின் தேவைகளுக்கு ஏற்ப பல மாடல்களில் கார்களை அறிமுகப்படுத்தி வருகின்றன. மேலும், பழைய மாடல் கார்களையும் அப்டேட் செய்து தற்போதைய வாடிக்கையாளர்களை கவரும் வகையிலான நடவடிக்கைகளை மேற்கொண்டு வருகின்றனர். அதுவும் இந்தியா போன்ற பெரிய சந்தை உள்ள நாட்டில் பல்வேறு தரப்பினரின் தேவையை பூர்த்தி செய்யும் வகையில் பல கார்கள் உள்ளன. 

அந்த வகையில், மாருதி சுஸுகி வேகன்ஆர் (Maruthi Suzuki WagonR) கார் விற்பனைக்கு வந்து 20 ஆண்டுகள் ஆகிறது. தற்போது வரை, அந்த மாடல் கார் பல முறை அந்த தயாரிப்பாளர்களால் புதுப்பிக்கப்பட்டது மற்றும் பல புதிய அம்சங்கள் தொடர்ந்து சேர்க்கப்பட்டு வந்துள்ளன. இதுவே இன்றும் நாட்டின் சிறந்த விற்பனையாகும் கார்களின் பட்டியலில் இடம்பிடித்துள்ளது. இந்த ஆண்டும் பல முறை (வெவ்வேறு மாதங்களில்) அதிகம் விற்பனையான காராக இதே வேகன்ஆர் தான் உள்ளது. வேகன்ஆர் 5 இருக்கைகள் கொண்ட கார் மற்றும் அதன் விலை ரூ.5.54 லட்சம் முதல் ரூ.7.30 லட்சம் வரை (Ex-Showroom) உள்ளது.

ஆனால், ஒரு நபர் பெரிய குடும்பமாக இருந்தால், கார் வாங்குவதற்கு இவ்வளவு பட்ஜெட் இருந்தால், அவருக்கு 7 சீட்டர் கார் விருப்பம் இருக்கும் அல்லவா? ஆம், நிச்சயமாக அதற்கும் வாய்ப்பிருக்கிறது. இந்தியாவில் பல மலிவான 7 இருக்கை கார்கள் கிடைக்கின்றன. வேகன்ஆர் காரின் விலை வரம்பில் 7 இருக்கைகள் கொண்ட காரை நீங்கள் தேடுகிறீர்களானால், நீங்கள் ரெனால்ட் ட்ரைபரைக் (Renault Tribe) காணலாம். ட்ரைபரின் விலை ரூ.6.33 லட்சம் முதல் ரூ.8.97 லட்சம் (Ex-Showroom) வரை உள்ளது. இது 7 இருக்கைகள் கொண்ட காராகும்.

ரெனால்ட் ட்ரைபர் பற்றி

ட்ரைபர் 1.0 லிட்டர், 3 சிலிண்டர் பெட்ரோல் எஞ்சினைப் பெறுகிறது. இதன் எஞ்சின் 72 PS பவரையும், 96 Nm அவுட்புட்டையும் வெளிப்படுத்தும் திறன் கொண்டது. இது 5-ஸ்பீடு மேனுவல் கியர்பாக்ஸ் மற்றும் AMT கியர்பாக்ஸ் விருப்பத்துடன் வருகிறது. இது லிட்டருக்கு 20 கிலோமீட்டர் மைலேஜ் தரும். ட்ரைபரில் 84 லிட்டர் பூட் ஸ்பேஸ் உள்ளது. மூன்றாவது வரிசை இருக்கையை மடிப்பதன் மூலம் 625 லிட்டராக அதிகரிக்கலாம். இந்த கார் ஐந்து மோனோடோன் மற்றும் ஐந்து டூயல் டோன் வண்ணங்களில் கிடைக்கிறது.

ரெனால்ட் ட்ரைபர் அம்சங்கள்

ட்ரைபர் 8-இன்ச் தொடுதிரை இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ இணைப்பு, ஆப்பிள் கார்ப்ளே இணைப்பு, புஷ்-பட்டன் ஸ்டார்ட்-ஸ்டாப், சென்டர் கன்சோலில் குளிரூட்டப்பட்ட சேமிப்பு, டிஜிட்டல் இன்ஸ்ட்ரூமென்ட் கிளஸ்டர், 6-வே அட்ஜெஸ்ட் செய்யக்கூடிய டிரைவர் சீட், எல்இடி டர்ன் இன்டிகேட்டர்கள், ப்ரொஜெக்டர் ஹெட்லேம்ப்கள், ஸ்டீயரிங் பொருத்தப்பட்டுள்ளது.

தொலைபேசி கட்டுப்பாடுகள் மற்றும் இரண்டாவது+மூன்றாவது வரிசையில் ஏசி வென்ட்கள் உள்ளன. கார் நான்கு ஏர்பேக்குகள் (முன் மற்றும் பக்க), EBD உடன் ABS, பின்புற பார்க்கிங் சென்சார்கள் மற்றும் பின்புற பார்வை கேமரா போன்ற அம்சங்களையும் பெறுகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ