தென் சீனக் கடல் விவகாரத்தில் தலையிட வேண்டாம் என இந்தியாவுக்கு சீனா எச்சரிக்கை!

தென் சீனக் கடலில் பிலிப்பைன்ஸுக்கும் சீனாவுக்கும் இடையே மோதல் வலுத்து வருகிறது. இந்த நிலையில், தென் சீனக் கடல் விவகாரத்தில் பிலிபைன்ஸ் நாட்டிற்கு ஆதரவளிப்பதாக இந்தியா கூறியிருபது, சீனாவை திகைக்க வைத்துள்ளது. இந்த விஷயத்தில் இந்தியா தனது இறையாண்மை உரிமைகோரல்கள் மற்றும் கடல்சார் நலன்களை மதிக்க வேண்டும் என்றும் மூன்றாம் தரப்பினருக்கு தலையிட உரிமை இல்லை என்றும் இன்று சீனா தெரிவித்துள்ளது.

பிலிப்பைன்ஸுக்கு ஆதரவளிப்பதாக இந்திய வெளியுறவுத் துறை அமைச்சர் ஜெய்சங்கரின் தெரிவித்திருந்தார். அதற்கு பதிலளிக்கும் விதமாக பேசிய சீன வெளியுறவு அமைச்சக செய்தித் தொடர்பாளர் லின் ஜியான், இந்தியா பிற நாடுகளின் விவகாரத்தில் தலையிட வேண்டாம் என்று கேட்டுக் கொண்டார்.  

லின் ஜியான் கருத்து

'கடல் தகராறு என்பது சம்பந்தப்பட்ட நாடுகளுக்கு இடையேயான பிரச்னைகள். மூன்றாம் தரப்பினருக்கு இதில் எந்த வகையிலும் தலையிட உரிமை இல்லை. தென் சீனக் கடல் பிரச்சினையில் உண்மைகளையும் நிதர்சனத்தையும் நேரடியாக எதிர்கொள்ளவும், சீனாவின் பிராந்திய இறையாண்மை மற்றும் கடல் உரிமைகள் மற்றும் நலன்கள் மற்றும் தென் சீனக் கடலை அமைதியாகவும் நிலையானதாகவும் வைத்திருப்பது என்பதே. பிராந்திய நாடுகளின் முயற்சிகளுக்கு மதிப்பளிக்குமாறு சம்பந்தப்பட்ட தரப்பினருக்கு நாங்கள் அழைப்பு விடுக்கிறோம்," என்று லீன் ஜியான் தெரிவித்துள்ளார்

தற்போது மணிலாவிற்கு, அதிகாரப்பூர்வ பயணமாக சென்றுள்ள இந்திய வெளியுறவுத்துறை அமைச்சர் ஜெய்சங்கர், பிலிப்பைன்ஸ் வெளியுறவு அமைச்சர் என்ரிக் மனலோவுடன் பேசினார். முன்னதாக தென் சீனக் கடலில் சீனாவுடனான பிலிப்பைன்ஸின் சர்ச்சைக்கு மத்தியில், தென்கிழக்கு ஆசிய நாட்டின் தேசிய இறையாண்மையைப் பேணுவதற்கு இந்தியா ஆதரிக்கிறது என்றும், பாதுகாப்பு உள்ளிட்ட ஒத்துழைப்பின் புதிய பகுதிகளை ஆராய விரும்புவதாகவும் ஜெய்சங்கர் தெரிவித்திருந்தார்.

அங்கு பேசியபோது இந்திய வெளியுறவு அமைச்சர் ஜெய்சங்கர், தென்சீனக் கடல் தொடர்பாக சீனாவுக்கும் பிலிப்பைன்ஸுக்கும் இடையே நிலவும் சர்ச்சை குறித்த கேள்விக்கு பதிலளித்தார்.  

 ​​'கடல் சட்டம் தொடர்பான ஐக்கிய நாடுகள் சபையின் மாநாடு (UNCLOS), 1982 இதில் சிறப்பு வாய்ந்தது. கடல் சட்டமாக கருதப்படுகிறது. அனைத்துத் தரப்பினரும் அதை எழுத்துப்பூர்வமாகவும் உணர்வுடனும் பின்பற்ற வேண்டும். பிலிப்பைன்ஸின் தேசிய இறையாண்மையைப் பேணுவதற்கு இந்தியாவின் ஆதரவை வலுவாக முன்வைக்கிறேன்’ என்று தெரிவித்திருந்தார்.

தென் சீனக் கடல் சர்ச்சை 
தென் சீனக் கடலின் பெரும்பகுதிக்கு சீனா உரிமை கோருகிறது, அதே சமயம் பிலிப்பைன்ஸ், வியட்நாம், மலேசியா, புருனே மற்றும் தைவான் ஆகியவை கடல் பகுதிக்கு உரிமை கோருகின்றன. தென்சீனக் கடலில் உள்ள 'இரண்டாம் தாமஸ் ஷோல்' மீது இரு நாடுகளின் கடலோரக் காவல்படைக் கப்பல்களும் உரிமைக்காக போட்டியிடுவதால், சீனாவுக்கும் பிலிப்பைன்ஸுக்கும் இடையே தற்போது தகராறு ஏற்பட்டுள்ளது.  

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!