கச்சா எண்ணெய் விலையை குறைக்கும் சவுதி அரேபியா! மகிழ்ச்சியில் இந்தியா!

மலிவாக எண்ணெய் விற்பனை செய்யும் நாடுகள்: உக்ரைனுடன் நடந்து வரும் போரைக் கருத்தில் கொண்டு, அமெரிக்கா உள்ளிட்ட பல நாடுகள் ரஷ்யா மீது பல்வேறு வகையான தடைகளை விதித்துள்ளன. அதே நேரத்தில், ரஷ்யாவும் தலைவணங்க தயாராக இல்லை. பொருளாதாரத்தில் எந்த சிரமமும் இல்லை என்பதற்காக பல நாடுகளுக்கு குறைந்த விலையில் எண்ணெய் விற்று வருகிறது. கடந்த ஓராண்டில், சவூதி அரேபியாவின் சுல்தானகம் எண்ணெய் ஏற்றுமதி போட்டியில் ரஷ்யாவிடம் இருந்து கடுமையான சவாலை எதிர்கொண்டது. ரஷ்யா குறைந்த விலையில் எண்ணெய் விற்கும் நாடுகளில் பெரும்பாலானவை ஆசிய நாடுகள். எனவே, குறைந்த விலைக்கு எண்ணெயை விற்று, பல ஆசிய நாடுகளை ரஷ்யா தன் பக்கம் இழுத்துக்கொண்டது.

மானிய விலையில் எண்ணெய் விற்கும் ரஷ்யாவின் முடிவு சவுதி அரேபியாவை அதிர்ச்சியில் ஆழ்த்தியுள்ளது. உக்ரைன் போருக்கு முன்பு ரஷ்யாவிடம் இருந்து இந்தியா 1 சதவீதத்துக்கும் குறைவாகவே கச்சா எண்ணெய் வாங்கியது என்பது தெரிந்ததே. ஆனால் இப்போது அதன் எண்ணெய் இறக்குமதியில் முக்கிய பங்கு வகிக்கும் பட்டியலில் முதல் நாடு ரஷ்யா தான். ஈராக், சவுதி அரேபியா மற்றும் ஐக்கிய அரபு எமிரேட்ஸ் போன்ற நாடுகளும் இந்தப் பட்டியலில் பின்தங்கியுள்ளன. கடந்த காலங்களில் ரஷ்யாவும் பாகிஸ்தானுக்கு குறைந்த விலையில் எண்ணெய் விற்க முடிவு செய்துள்ளது.

சவுதி எடுத்த முடிவு

ரஷ்யாவின் அதிகரித்து வரும் அச்சுறுத்தல்களை கருத்தில் கொண்டு, ஆசிய நாடுகளுக்கு கடந்த நான்கு மாதங்களில் முதல் முறையாக எண்ணெய் விலையை குறைக்க சவுதி அரேபியா முடிவு செய்துள்ளது. உலகின் மிகப்பெரிய எண்ணெய் ஏற்றுமதி செய்யும் நாடு சவுதி அரேபியா. சவுதி அரேபியாவின் எண்ணெய் நிறுவனமான அரம்கோ வெளியிட்டுள்ள தகவலில், ஜூன் மாதத்தில் அரபு லைட் கிரேடு எண்ணெய் ஏற்றுமதி விலை மே மாதத்துடன் ஒப்பிடும்போது பீப்பாய்க்கு 25  செண்ட் என்ற அளவில் குறைக்கப்பட்டுள்ளது என கூறப்பட்டுள்ளது.

OPEC+ நாடுகள்

இந்த குறைப்பு சந்தையின் எதிர்பார்க்கப்படும் குறைப்பை விட 40  செண்டுகள் குறைவாகும். பெட்ரோலியம் விற்பனை செய்யும் நாடுகளின் அமைப்பு மற்றும் அதன் கூட்டாளிகள் (OPEC+) மூலம் எண்ணெய் உற்பத்தி குறைப்பு அறிவிக்கப்பட்டது. இதன் பிறகு, சவுதி அரேபியாவும் கச்சா எண்ணெய் விலையை சுமார் 40 செண்டுகள் குறைக்கும் என்று நம்பப்பட்டது.

சவுதி அரேபியாவின் விலை உயர்ந்த கச்சா எண்ணெய்

ஏப்ரல் 2023 இல், இந்திய வர்த்தகம் மற்றும் தொழில் அமைச்சகத்தால் வெளியிடப்பட்ட ஒரு புள்ளிவிவரத்தில், பிப்ரவரி மாதத்தில் ஒரு பீப்பாய்க்கு 76.92 டாலருக்கு இந்தியா ரஷ்யாவிடம் இருந்து எண்ணெய் வாங்கியதாக கூறப்பட்டது. அதேசமயம் 76.19 டாலர் மதிப்புள்ள எண்ணெய் ஈராக்கில் இருந்து பெறப்பட்டது. அதே நேரத்தில், இந்தியா மிகவும் அதிக விலையில் எண்ணெயை சவுதியிலிருந்து  பெற்றது, அது ஒரு பீப்பாய்க்கு $ 87.66 என்ற விகிதத்தில் இந்தியா வாங்கியது.

ரஷ்யா மற்றும் உக்ரைன் இடையே கடந்த 2022ம் ஆண்டு பிப்ரவரி மாதம் முதல் போர் நடந்து வருகிறது. இந்தப் போர் காரணமாக ரஷ்யா மீது பொருளாதாரத் தடைகள் விதிக்கப்பட்டன. ஆனால் இந்தியா தனது ராஜீய நடவடிக்கைகள் மூலம் நிலைமையை சாதாகமாக பயன்படுத்திக் கொண்டதன் காரணமாக ரஷ்யாவிடம் இருந்து இந்தியா குறைந்த விலையில் எண்ணெய் பெற ஆரம்பித்தது. இந்நிலையில், சவுதி அரேபியா மூலமும் இந்தியா குறைந்த விலையில் கச்சா எண்ணெய் பெறும் வாய்ப்பு கிடைத்துள்ளது

கடந்த மார்ச் 2023 இல், இந்தியா ரஷ்யாவிலிருந்து தினசரி 1.64 மில்லியன் பீப்பாய்கள் எண்ணெயை இறக்குமதி செய்த நிலையில், தொடர்ந்து ஆறாவது மாதமாக ரஷ்யா தான் இந்தியாவின் முதன்மையான கச்சா எண்ணெய் சப்ளையராக உள்ளது. இதுவரை கடந்த ஏப்ரல் மாதத்தில் கச்சா எண்ணெய் பேரலுக்கு சராசரியாக 83.96 டாலர் என்ற விலையில் இந்தியா வாங்கியுள்ளது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ