சீனா ஓட்டலில் தீ விபத்து: 3 பேர் பலி

பெய்ஜிங்: சீனாவில் தென்கிழக்கு பகுதியில் நன்சங் நகரம் உள்ளது. இங்கு 24 அடுக்கு மாடி கட்டிடம் உள்ளது. அதனுடன் 4 மாடி ஆடம்பர நட்சத்திர ஓட்டலும் அமைந்துள்ளது.

இந்த நிலையில் நேற்று காலை அந்த ஓட்டலில் திடீரென 2-வது மாடியில் திடீரென தீப்பிடித்தது. கரும்புகையுடன் ‘தீ’ கொளுந்து விட்டு எரிந்தது.

உடனே மீட்பு பணி தீவிரமாக நடைபெற்றது. இருந்தும் தீயில் சிக்கி 3 பேர் பலியாகினர்.

14 பேர் உடல் கருகி காயம் அடைந்தனர். இவர்கள் மீட்கப்பட்டு ஆஸ்பத்திரியில் அனுமதிக்கப்பட்டனர். ஓட்டலுக்குள் பலர் சிக்கியுள்ளனர். அவர்களை மீட்கும் பணி தொடர்ந்து நடைபெறுகிறது.

தீவிபத்துக்கான காரணம் தெரியவில்லை. இதுகுறித்து விசாரணைக்கு உத்தரவிடப்பட்டுள்ளது.