അവക്കാഡോ നിരവധി ആരോഗ്യ ഗുണങ്ങൾ നൽകുന്നു. പ്രത്യേകിച്ച് സ്ത്രീകൾ അവോക്കാഡോ കഴിക്കുന്നത് ആരോഗ്യത്തിന് വളരെയധികം ഗുണം ചെയ്യും.
വിറ്റാമിനുകൾ സി, ഇ, കെ, ബി6, റൈബോഫ്ലേവിൻ, നിയാസിൻ, ഫോളേറ്റ്, പാൻ്റോതെനിക് ആസിഡ്, മഗ്നീഷ്യം, പൊട്ടാസ്യം എന്നിവയുടെ സമ്പന്നമായ ഉറവിടമാണ് അവോക്കാഡോ. അവ ല്യൂട്ടിൻ, ബീറ്റാ കരോട്ടിൻ, ഒമേഗ -3 ഫാറ്റി ആസിഡുകൾ എന്നിവയും നൽകുന്നു.
അവോക്കാഡോയിൽ ആരോഗ്യത്തിന് ഗുണം ചെയ്യുന്ന കൊഴുപ്പാണ് അടങ്ങിയിരിക്കുന്നത്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും ശരീരഭാരം നിയന്ത്രിക്കുന്നതിനും മികച്ചതാണ്.
ദൈനംദിന ഭക്ഷണത്തിൽ അവോക്കാഡോ ഉൾപ്പെടുത്തുന്നത് പ്രത്യുത്പാദനശേഷി വർധിപ്പിക്കും. അവോക്കാഡോ ഭക്ഷണത്തിൽ ഉൾപ്പെടുത്തുന്നത് വിജയകരമായ ഗർഭധാരണത്തിനുള്ള സാധ്യത വർധിപ്പിക്കുമെന്നും ഗവേഷണങ്ങൾ സൂചിപ്പിക്കുന്നു.
അവോക്കാഡോകൾ മൊത്തത്തിലുള്ള ഹോർമോൺ സന്തുലിതാവസ്ഥയ്ക്ക് സഹായിക്കുന്നു. കൂടാതെ ആർത്തവവുമായി ബന്ധപ്പെട്ട വയറുവേദന, മൂഡ് സ്വിങ്സ് തുടങ്ങിയ ലക്ഷണങ്ങളെ ലഘൂകരിക്കുകയും ചെയ്യും. ഇവയിൽ അടങ്ങിയിരിക്കുന്ന വിറ്റാമിൻ ഇ ചർമ്മത്തിൻ്റെ ആരോഗ്യത്തിനും ഗുണം ചെയ്യും.
ഫെർട്ടിലിറ്റി, ഹോർമോൺ ബാലൻസ് എന്നിവയെ പിന്തുണയ്ക്കുന്നത് മുതൽ മൊത്തത്തിലുള്ള ആരോഗ്യം പ്രോത്സാഹിപ്പിക്കുന്നത് വരെ സ്ത്രീകൾക്ക് അവക്കാഡോകൾ നിരവധി ആരോഗ്യ ഗുണങ്ങൾ നൽകുന്നു.
പതിവ് ഭക്ഷണത്തിൽ അവോക്കാഡോകൾ ഉൾപ്പെടുത്തുന്നതിലൂടെ, സ്ത്രീകൾക്ക് ശരിയായ പോഷകാഹാരം ലഭിക്കാനും ആരോഗ്യം മികച്ചതായി നിലനിർത്താനും സാധിക്കും.
