Cholesterol Lowering Drinks: 'हे' 4 सुपर ड्रिंक्स कमी करतील हाय कोलेस्ट्रॉल, जाणून घ्या

मुंबई : हवामान कोणतेही असो, आपण नेहमीच स्वतःची विशेष काळजी घेतली पाहिजे, अन्यथा अनेक आजार होण्याचा धोका असू शकतो. स्वतःला हायड्रेटेड ठेवण्यासाठी आपण काही थंड द्रवपदार्थ नक्कीच पितो. पण तुम्हाला माहित आहे का की काही पेये सेवन केल्याने खराब कोलेस्ट्रॉल म्हणजेच LDL चे प्रमाण कमी होते. ज्या लोकांना उच्च कोलेस्ट्रॉलची समस्या आहे त्यांनी तेलकट फास्ट फूड आणि जंक फूड अजिबात खाऊ नये. त्याऐवजी फायबरचे सेवन वाढवावे. आज आम्ही अशाच काही सुपर ड्रिंक्सबद्दल सांगत आहोत, जे प्यायल्याने खराब कोलेस्ट्रॉलच्या समस्येपासून सुटका मिळेल.

ग्रीन टी
ग्रीन टीमध्ये कॅटेचिन आणि एपिगॅलोकाटेचिन गॅलेट असते आणि ते अँटिऑक्सिडंट गुणधर्मांनी समृद्ध असते. हे दिवसातून दोनदा प्यावे.असे केल्याने शरीरातील खराब कोलेस्टेरॉलचे प्रमाण कमी करता येते.

ओट्सचे दूध
नाश्त्यामध्ये ओट्सचे दूध प्या, तो उच्च कोलेस्ट्रॉलची पातळी कमी करण्यास मदत करते. त्यात असलेले बीटा-ग्लुकन घटक पित्त मीठाबरोबर एकत्र होऊन आतड्यांमध्ये जेलसारखा थर तयार होतो, ज्यामुळे कोलेस्टेरॉलचे शोषण सुलभ होते.

टोमॅटो 
उन्हाळ्यात टोमॅटो खाण्याचा सल्ला दिला जातो कारण त्यात पाण्याचे प्रमाण खूप जास्त असते. हे लाइकोपीन नावाच्या अँटिऑक्सिडंटचा समृद्ध स्त्रोत आहे, जे पेशींना नुकसान होण्यापासून संरक्षण करते. यामध्ये असलेले फायबर उच्च कोलेस्ट्रॉल कमी करते. त्यामुळे टोमॅटोचा रस नियमित प्या.

सोया दूध
सोया दूध आरोग्यासाठी खूप फायदेशीर आहे कारण त्यात कोलेस्ट्रॉलची पातळी नियंत्रित करण्याची क्षमता आहे. दैनंदिन आहारात त्याचा समावेश करणे आवश्यक आहे.

(Disclaimer: वरील माहिती सामान्य ज्ञानावर आधारित आहे. दैनंदिन आयुष्यात याचा वापर करायचा झाल्यास तज्ज्ञांचा सल्ला घ्यावा.)