'या' उपायांनी एका मिनिटांत दूर करा उचकी!

एखाद्या  व्यक्तिने आपली आठवण काढली की आपल्याला उचकी लागते, असा समज आहे. मात्र त्यात तथ्य नाही.

Darshana Pawar Darshana Pawar | Updated: Feb 8, 2018, 10:32 PM IST
'या' उपायांनी एका मिनिटांत दूर करा उचकी!

मुंबई : एखाद्या व्यक्तिने आपली आठवण काढली की आपल्याला उचकी लागते, असा समज आहे. मात्र त्यात तथ्य नाही. छातीच्या पिंजर्‍याचा विभाजक पडदा ( डायफ्रॅम) स्नायूंनी बनलेला असतो.  कधी कधी अचानक या स्नायूंचे आकुंचन होते. ही क्रिया अनैच्छिक असते.  वारंवार आकुंचन झाल्याने, स्वरयंत्रणेतील पट्ट्या जवळ येतात व उचकी निर्माण होते.  उचकी काही काळासाठी ठराविक अंतराने येते व आपोआप बंद होते. मात्र काहींमध्ये उचकी दीर्घकाळ राहते. अशावेळेस डॉक्टरांचा सल्ला घेणेच हितकारी आहे.

कशी थांबवाल उचकी ? 

  • उचकी थांबवण्यासाठी, अनेक घरगुती उपाय आहेत. मात्र काही काळ श्वास रोखून ठेवणे हा एक उत्तम उपाय आहे. दीर्घ श्वास  घ्या व तो काही काळ रोखून ठेवा. हळूहळू श्वास सोडा. उचकी थांबण्यासाठी असे 2-3  वेळा करा. तुम्ही जेव्हा श्वास रोखून ठेवता तेव्हा फुफ्फुसातील हवा  डायफ्रॅमला खाली ढकलण्याचा प्रयत्न करते व उचकी थांबण्यास मदत होते.
  • उचकी लागल्यावर मान वर करून ७ वेळा पाणी प्या. एकदम न पिता एक-एक घोट असे ७ वेळा प्या. 
  • अगदी सोपा आणि आपल्या सर्वांना माहित असलेला उपाय म्हणजे साखर खा आणि त्यावर पाणी प्या. त्यामुळे उचकी थांबण्यास मदत होईल. 

By continuing to use the site, you agree to the use of cookies. You can find out more by clicking this link

Close