सलीम खान यांनी सलमानला सुनावलं

मुंबई : सलमान खान हा काही या विषयातला तज्ञ नाही, त्याने अशी प्रतिक्रिया द्यायला नको होती, असे खडे बोल सलमानचे वडील सलीम खान यांनी सुनावले आहेत.

एका निष्पाप व्यक्तीला फाशीची शिक्षा देणे, ही माणूसकीची हत्या आहे, याकूबऐवजी टायगर मेमनला फाशी द्या, असं सलमान खानने ट्वीट केलं होतं, यावर सलीम खान यांनी आपली प्रतिक्रिया दिली आहे.

मुंबईतील १९९३ च्या बॉम्बस्फोटाप्रकरणी फाशीची शिक्षा झालेल्या याकूब मेमनच्या समर्थनार्थ आता अभिनेता सलमान खानने ट्वीट केलं आहे.

याकूबऐवजी भारतातून पळून गेलेल्या टायगरला फाशी द्यावी अशी मागणी त्याने केली. टायगर पाकमध्ये असेल तर नवाझ शरीफ यांनी त्याला भारताकडे सुपूर्त करावे असेही त्याने म्हटले आहे. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.