नाशिक जिल्ह्यात पावसाचा डाळिंब बागांना फटका

www.24taas.com, झी मीडिया, नाशिक
नाशिकमध्येही वादळी-वाऱ्यासह पाऊस पडला. तर गारपिटीमुळे शहरात सर्वत्र बर्फाच्छादीत काश्मीर अवतरलं. वादळी पावसाने नाशिक शहरात अंधाराच साम्राज्य पसरलं होतं.
जागोजागी झाडे पडल्याने वाहतूक मंदावली होती. शहरात पन्नास पेक्षा अधिक वाहनाचे अपघात झाले तर काही ठिकाणी झाडे कोसळून वाहनाचा चुराडा झाला.
नाशिक जिल्ह्यातील देवळाली परिसरातील तेरा गावांना आज गारपीट पावसाचा जोरदार तडाखा बसला. वंजारवाडी लहवितसह डाळिंब बागा शेती उधवस्त झाली आहे. तर अनेक ठिकाणी आंबे रस्त्यावर विखुरले होते. त्र्यंबकमध्ये मंदिराचे काम सुरु असताना वीज पडल्याने दोन जण ठार तर एक जण जखमी झाले.