हर घर तिंरगा: इरफान पठाणचा देशवासियांना खास संदेश, VIDEO होतोय व्हायरल

मुंबई : भारताला स्वातंत्र्य मिळून 75 वर्षे पूर्ण होत असून त्यानिमित्ताने देशात अमृत महोत्सव साजरा केला जात आहे. दरम्यान, भारत सरकारतर्फे 'हर घर तिरंगा' (Har Ghar Tiranga) मोहीम राबविण्यात येत असून, त्याअंतर्गत 13 ते 15 ऑगस्ट या कालावधीत प्रत्येकजण आपापल्या घरी तिरंगा फडकवत आहे. अनेक सेलिब्रिटी देखील या मोहिमेत सामील होत आहेत, ज्यामध्ये माजी क्रिकेटर इरफान पठाणचे (Irfas Pathan) नाव देखील जोडले गेले आहे.

माजी क्रिकेटपटू इरफान पठाणने त्याच्या ट्विटर अकाऊंटवर एक व्हिडिओ शेअर केला आहे, ज्यामध्ये तो सर्व देशवासीयांना या मोहिमेत सहभागी होण्याचे आवाहन करत आहे. खुद्द इरफान पठाणनेही आपल्या घरी तिरंगा लावला असून तो व्हिडिओमध्ये दिसत आहे.

इरफान पठाण यांनी लोकांना आवाहन करत तिरंगा हा माझा अभिमान आहे, तिरंगा हाच माझा जीव असल्याचे सांगितले. तिरंगा माझा अभिमान प्रत्येक भारतीयाने गायला आहे. तिरंगा मोहिमेत आपण सर्व मिळून 13 ते 15 ऑगस्ट दरम्यान घरोघरी तिरंगा फडकावू या.

View this post on Instagram

A post shared by Irfan Pathan (@irfanpathan_official)

इरफान पठाणचा हा व्हिडीओ सोशल मीडियावर मोठ्या प्रमाणात व्हायरल होत असून चाहत्यांकडून या व्हिडिओला पसंती मिळत आहे. इरफान पठाण क्रिकेटमधून निवृत्तीनंतर कॉमेंट्री करत आहे, चाहत्यांना त्याची हिंदी कॉमेंट्री खूप आवडते.