IND vs SA 4th t20: चौथ्या टी20 सामन्यात 2 नवीन खेळाडूंना मिळणार संधी, अशी असेल टीम इंडियाची प्लेइंग इलेव्हन

मुंबई : दक्षिण आफ्रिका आणि टीम इंडियात उद्या शु्क्रवारी चौथा टी20 सामना खेळवला जाणार आहे. या सामन्यात कर्णधार रिषभ पंत दोन नवीन खेळाडूंना संधी देणार आहे.तर टीम इंडियाची प्लेइंग इलेव्हनही समोर आली आहे. दरम्यान सध्या भारत मालिकत  1-2 ने पिछाड़ीवर आहे. चौथा सामना जिंकून टीम इंडियाला बरोबरी साधता येणार आहे.  

भारतीय संघ शुक्रवारी 5 सामन्यांच्या टी-20 मालिकेतील चौथ्या सामन्यात दक्षिण आफ्रिकेशी भिडणार आहे. या सामन्यात टीम इंडियाच्या प्लेइंग 11 मध्ये काही बदल पाहायला मिळणार आहेत. 

सलामी जोडी 
तिसऱ्या टी-२० सामन्यात ऋतुराज गायकवाडला इशान किशन या सलामीच्या जोडीने चांगली कामगिरी करून दिली. दोन्ही खेळाडूंनी शानदार अर्धशतक केले आणि आता ते चौथ्या सामन्यातही डावाची सुरुवात करण्यासाठी सज्ज आहेत. अशा स्थितीत ही जोडी चौथ्या टी-२०मध्येही फलंदाजी करताना दिसणार आहे. 

मधल्या फळीत बदल 
तिसऱ्या क्रमांकावर असलेल्या श्रेयस अय्यरऐवजी दीपक हुड्डा या सामन्यात खेळू शकतो. हुड्डा हा प्राणघातक फलंदाज तसेच गोलंदाज आहे. त्याचबरोबर हार्दिक पांड्या आणि कर्णधार ऋषभ पंत मधल्या फळीला बळ देण्याचे काम करतील. याशिवाय दिनेश कार्तिक सहाव्या क्रमांकावर फिनिशरच्या भूमिकेत आहे. सातव्या क्रमांकावर, अक्षर पटेल पुन्हा अष्टपैलू म्हणून जबाबदारी स्वीकारेल.

या गोलंदाजाला संधी 
युझवेंद्र चहल पुन्हा एकदा फिरकी गोलंदाजीचे नेतृत्व करताना दिसणार आहे. त्याचबरोबर टीम इंडियाच्या फास्ट बॉलिंग लाइनअपमध्ये हर्षल पटेल आणि भुवनेश्वर कुमारसह अवेश खानच्या जागी उमरान मलिकला संधी मिळू शकते. आवेशची कामगिरी फारशी खास नसली तरी उमरान अजूनही पदार्पणाच्या सामन्याची वाट पाहत आहे.

टीम इंडिया संभाव्य संघ : ऋतुराज गायकवाड, इशान किशन, दीपक हुडा, हार्दिक पंड्या, ऋषभ पंत (विकेटकीपर), दिनेश कार्तिक, अक्षर पटेल, हर्षल पटेल, युझवेंद्र चहल, भुवनेश्वर कुमार आणि उमरान मलिक.