OnePlus कडून नवीन स्मार्टफोन लाँच, जाणून घ्या किंमत आणि फिचर्स

मुंबई : वनप्लस या अँड्रॉइड स्मार्टफोन बनवणाऱ्या कंपनीने OnePlus Nord 2T हा नवीन स्मार्टफोन लाँच केला आहे. या स्मार्टफोनमध्ये जबरदस्त बॅटरीसह अनेक फीचर्स देण्यात आले आहेत. दरम्यान या स्मार्टफोनची वैशिष्ट्ये, किंमत आणि विक्रीची तारीख जाणून घेऊयात. 

वनप्लस नॉर्ड 2टी देशभरात 1 जुलै रोजी लॉन्च झाला आहे. या स्मार्टफोनची रचना OnePlus Nord 2 सारखीच आहे.या स्मार्टफोनमध्ये नवीन मीडियाटेक चिप आणि फास्ट चार्जिंग सपोर्ट देण्यात आला आहे. 

स्मार्टफोनची किंमत 
वनप्लस नॉर्ड 2टी च्या 8GB रॅम आणि 128GB स्टोरेज असलेल्या 5G स्मार्टफोनची किंमत 28,999 रुपये आहे, आणि तो 5 जुलैपासून Amazon वरून खरेदी करता येईल. तर 12GB रॅम आणि 256GB स्टोरेज मॉडेल 33,999 रुपयांमध्ये खरेदी केले जाऊ शकतात.

30 मिनिटांत 100 टक्के फोन चार्ज
OnePlus Nord 2T मध्ये तुम्हाला अनेक अप्रतिम फीचर्स दिले जात आहेत. परंतु या स्मार्टफोनच्या बॅटरीने यूजर्सना खूप आनंद झाला आहे. तुम्हाला या स्मार्टफोनमध्ये 4500mAh ची बॅटरी दिली जात आहे. हा स्मार्टफोन 80W च्या फास्ट चार्जिंग सपोर्टसह लॉन्च करण्यात आला आहे आणि आतापर्यंत हे फीचर फक्त 10R स्मार्टफोनमध्ये दिले गेले आहेत. कंपनीचा दावा आहे की या फोनमध्ये एक बंडल चार्जर देखील आहे जो तीस मिनिटांत फोन 100 टक्के चार्ज करेल.

फिचर्स 
OnePlus Nord 2T मध्ये, तुम्हाला 6.43-इंचाचा AMOLED डिस्प्ले दिला जात आहे, जो फुल HD + रिझोल्यूशन, HDR10 + सर्टिफिकेशन आणि 90Hz रिफ्रेश रेटसह लॉन्च केला गेला आहे. 12GB पर्यंत RAM आणि 256GB स्टोरेजसह, स्मार्टफोन ट्रिपल रियर कॅमेरा सेटअपसह येतो. ज्यामध्ये OIS सपोर्टसह 50MP Sony IMX766 प्राथमिक कॅमेरा, 8MP अल्ट्रा-वाइड कॅमेरा आणि 2MP तृतीयक सेन्सरचा समावेश असेल. या फोनमध्ये इलेक्ट्रॉनिक इमेज स्टॅबिलायझेशन (EIS) सपोर्ट असलेला 32MP कॅमेरा देखील देण्यात आला आहे.