இன்றைய வாழ்க்கை முறை காரணமாக, பெரும்பாலானோர், மூட்டு வலி, நீரிழிவு, ரத்த கொதிப்பு என பல விதமான நோய்களின் பிடியில் சிக்கியுள்ளனர். இந்நிலையில், அலோபதி சிகிச்சைகளை மட்டுமே நம்பி இல்லாமல், பாரம்பர்யம் மிக்க ஆயுர்வேத இயற்கை உணவுகள், பானங்கள், சிகிச்சைகளை எடுத்துக்கொள்ளவதில், இன்று பலர் கவனம் செலுத்துகின்றனர். அந்த வகையில், அர்ஜுனா மர பட்டையின் மகிமை ஆயுர்வேதத்தில் சிறப்பாக விவரிக்கப்பட்டுள்ளது. இந்த பட்டையின் கஷாயம் பல வகையான நோய்களுக்கான சிகிச்சையில் பயன்படுத்தப்படுகிறது. இதற்கான காரணத்தைப் பற்றி பேசுகையில், அர்ஜுனா மர பட்டைகளில் ஏராளமான ஆன்டிஆக்ஸிடன்ட்கள் காணப்படுகின்றன. இது நம் உடலை பல வகையான நோய்களிலிருந்து பாதுகாக்கிறது.
நீங்கள் சாதாரண சளி பிரச்சனை தவிர, பெரிய அளவில் இதய பிரச்சனைகளால் பாதிக்கப்பட்டிருந்தால் கூட அர்ஜூனா மரப்பட்டை மிகவும் உதவும். அர்ஜுனன் பட்டையின் கஷாயம் உங்களுக்கு எல்லா வகையிலும் பயனுள்ளதாக இருக்கும். அர்ஜுனா பட்டையின் பல நன்மைகள் ஆயுர்வேதத்தில் விவரிக்கப்பட்டுள்ளன. ஆனால் இன்று நாம் உங்களுக்கு அர்ஜுனன் பட்டை மூலம் கிடைக்கும் 5 அற்புதமான ஆரோக்கிய நன்மைகளை (Health Tips) அறிந்து கொள்ளலாம்.
அர்ஜுன் மரப்பட்டையின் 5 நன்மைகள் (benefits of Arjun bark)
1. இதய நோயாளிகளுக்கு நன்மை பயக்கும்
அர்ஜுனா பட்டை இதய நோய்களைக் கட்டுப்படுத்துவதற்கும் இதயத்தின் செயல்பாட்டை மேம்படுத்துவதற்கும் மிகவும் பயனுள்ளதாக கருதப்படுகிறது. NCBI (National Centre for Biotechnology Information) அமைப்பு எலிகள் மீது நடத்தப்பட்ட ஆராய்ச்சியில் அர்ஜுனா பட்டை இதய நோய்களுக்கு மிகவும் நன்மை பயக்கும் என்பதை நிரூபித்துள்ளது. இந்த ஆய்வில் அர்ஜுனனின் பட்டையில் ட்ரைடர்பெனாய்டு என்ற சிறப்பு ரசாயனம் இருப்பது தெரியவந்தது. இது நமது இதயம் தொடர்பான பிரச்சனைகளை நீக்கும்.
2. சர்க்கரை நோய் கட்டுப்படும் (diabetes control)
நீரிழிவு போன்ற கொடிய நோய்களைக் கட்டுப்படுத்துவதில் அர்ஜுனா பட்டையின் பயன்பாடு மிகவும் பயனுள்ளதாக கருதப்படுகிறது. பல நீரிழிவு எதிர்ப்பு பண்புகள் அர்ஜுனா பட்டையில் காணப்படுகின்றன. இது இரத்த சர்க்கரையை கட்டுப்படுத்துவதில் நன்மை பயக்கும். அர்ஜுனா பட்டையின் கஷாயத்தை தொடர்ந்து குடிப்பதால் நமது கல்லீரல் மற்றும் கணையத்தின் செயல்பாட்டை மேம்படுத்துகிறது, இதன் காரணமாக நமது இரத்த சர்க்கரை எப்போதும் கட்டுப்பாட்டில் இருக்கும். இந்த அடிப்படையில், நீரிழிவு அளவை கட்டுக்குள் வைத்திருக்க அர்ஜுனன் பட்டை பெரிதும் உதவுகிறது என்று கூறலாம்.
3. இரத்த அழுத்தம் கட்டுப்படுத்தப்படும்(blood pressure control)
அர்ஜுனா பட்டையில் காணப்படும் ட்ரைடர்பெனாய்டு இரசாயனம் இதய நோய்களுக்கு மிகவும் பயனுள்ளதாக கருதப்படுகிறது. இது தவிர, அதிக இரத்த அழுத்த எதிர்ப்பு பண்புகள் இதில் காணப்படுகின்றன. இது நமது அதிகரித்த இரத்த அழுத்தத்தைக் கட்டுப்படுத்த உதவுகிறது. உங்கள் இரத்த அழுத்தம் எப்போதும் அதிகமாக இருந்தால், அர்ஜுனா பட்டையின் கஷாயம் உங்களுக்கு ஒரு சஞ்சீவியாக இருக்கும்.
4. இருமல் மற்றும் சளி நிவாரணம் (relief in cough and cold)
மாறிவரும் பருவத்தில் நீங்கள் சளி மற்றும் இருமலால் பாதிக்கப்பட்டிருந்தால், அர்ஜுனா பட்டையின் கஷாயம் உங்கள் பிரச்சனைக்கு நிவாரணம் அளிக்கும். அர்ஜுனா மரப்பட்டையில் காணப்படும் மருத்துவ குணங்கள், நமது நுரையீரலின் செயல்பாட்டை மேம்படுத்த உதவுகிறது. அர்ஜுனன் பட்டையின் கஷாயத்தை 4 - 5 நாட்கள் தொடர்ந்து குடித்து வர சளி மற்றும் இருமல் பிரச்சனை குணமாகும்.
5. சுவாச நோய்கள் குணமாகும் (helps in respiratory diseases)
அர்ஜுனா பட்டை சுவாச நோய்களில் இருந்து நிவாரணம் அளிப்பதாக அறியப்படுகிறது. இது நீண்ட காலமாக சுவாச நோய்களுக்கான சிகிச்சையில் பயன்படுத்தப்படுகிறது. உங்களுக்கு ஆஸ்துமா அல்லது வேறு ஏதேனும் சுவாச பிரச்சனை இருந்தால், அர்ஜுனா மர பட்டை கஷாயத்தை தினமும் குடிக்க வேண்டும். இதனால் உங்களுக்கு விரைவான நிவாரணம் கிடைக்கும்.
பொறுப்பு துறப்பு: மேலே கொடுக்கப்பட்டுள்ள வீட்டு வைத்தியங்கள், சில பரிந்துரைகள் மற்றும் குறிப்புகள் மட்டுமே. அறிகுறிகள் நீண்ட காலமாக நீடித்தால் அவற்றை புறக்கணிக்காதீர்கள். உங்கள் உணவில் ஏதேனும் மாற்றங்களைச் செய்வதற்கு முன் மருத்துவரை அணுகுவதை உறுதிப்படுத்திக் கொள்ளுங்கள்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | Kidney Detox: சிறுநீரகத்தை இயற்கையாக சுத்தம் செய்யும் ‘சூப்பர்’ உணவுகள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
