Bigg Boss 14: દમદાર અંદાજમાં બિગ બોસ-14નો નવો પ્રોમો લોન્ચ, આ તારીખથી શરૂ થશે શો

નવી દિલ્હીઃ ટીવીની દુનિયાના ચર્ચિત શો બિગ બોસ-14નો નવો પ્રોમો લોન્ચ થી ચુક્યો છે. આ પ્રોમોમાં સલમાન ખાન દમદાર અંદાજમાં જોવા મળી રહ્યો છે. બિગ બોસ 14ના આ નવા પ્રોમોમાં મેકર્સે શો ઓન એર થવાની તારીખનો ખુલાસો કર્યો છે. આ વર્ષે બિગ બોસ 3 ઓક્ટોબરથી ઓન એર થશે. આ પ્રોમોબાદ સોશિયલ મીડિયા પર સલમાન અને બિગ બોસ ફેન્સ ખુબ ખુશ છે. તમે પણ જુઓ આ નવો પ્રોમો..

શોનો નવો પ્રોમો દમદાર છે, તેમાં સલમાન ખાનનો શાનદાર લુક જોવા મળી રહ્યો છે. પ્રોમોની શરૂઆતમાં સલમાન કહે છે, 'બોરડમ હોગા ચકનાચૂર, ટેંશન કા ઉડેગા ફ્યૂઝ, સ્ટ્રેસ કા બજેગા બેંડ, હોપલેસનેસ કી બજેરી પુંગી.' હવે સીન પલટાશે અને બિગ બોસ આપશે 2020નો જવાબ.  પ્રોમોની અંદર સલમાન ખાને માસ્ક પહેર્યું છે અને હાથ સાંકળોથી બાંધીને રાખ્યા છે. પ્રોમોની શરૂઆતમાં તે પોતાના બાંધેલા હાથને સાંકળો તોડીને ખોલે છે અને દમદાર અંદાજમાં જોવા મળે છે.