પંજાબી સિંગરે ભગતસિંહના લુકમાં શેર કરી સોનૂ સૂદની તસ્વીર, થઇ રહી છે વાયરલ

નવી દિલ્હી : બોલિવુડ અભિનેતા સોનૂ સુદ (Sonu Sood) જે પ્રકારે પ્રવાસી મજૂરોની મદદ કરી રહ્યા છે, તેની ચોતરફથી વખાણ થઇ રહ્યા છે. લોકો સોનૂસૂદની પ્રશંસા કરી રહ્યા છે. હવે પંજાબી સિંગર ગુરૂ રંધાવાએ  (Guru Randhawa)સોનુ સુદની તુલના ભગત સિંહ (Bhagat Singh) સાથે કરી છે. એટલું જ નહી, તેમણે એક તસ્વીર પણ શેર કરી છે, જેમાં સોનૂ સૂદ ભગતસિંહનાં લુકમાં જોવા મળી રહ્યો છે.

ગુરૂ રંધાવાએ ઇંસ્ટાગ્રામ પર આ તસ્વીર શેર કરતા લખ્યું કે, પ્રેમ અને સન્માન સોનૂ પાજી, તમારી પાસેથી ઘણુ શીખવા મળ્યું. આ પહેલા પણ ગુરૂ રંધાવાએ ટ્વીટર પર એખ સોનુ સુદનો વીડિયો શેર કર્યો હતો જેમાં તેઓ પ્રવાસીઓને બસમાં બેસાડતા જોવા મળ્યા હતા.

ગુરૂ રંધાવાએ ભગત સિંહનાં લુકમાં સોનુ સુદની જે તસ્વીર શેર કરી છે તે સોશિયલ મીડિયા પર ખુબ જ વાયરલ થઇ રહી છે. આ તસ્વીર 2012માં આવેલી તેમની ફિલ્મ શહીદ એ આઝમનો છે. ફિલ્મનાં નિર્દેશક સુકુમાર હતા. આ ફિલ્મમાં સોનુએ ભગતસિંહનું પાત્ર નિભાવ્યું હતું. અત્રે ઉલ્લેખનીય છે કે, લોકડાઉનમાં સોનુ સુદ મુંબઇમાં ફસાયેલા પ્રવાસી મજૂરોને અલગ અલગ રાજ્યોમાં તેમનાં ગૃહનગર સુધી જવામાં મદદ કરી રહ્યા છે.