કાર્તિક આર્યન ભુલી ગયો ચેઇન બંધ કરવાનું તો યાદ કરાવ્યું અનન્યાએ, VIDEO વાયરલ

નવી દિલ્હી : કાર્તિક આર્યન (Kartik Aaryan) હાલમાં પોતાની ફિલ્મ પતિ, પત્ની ઔર વોના પ્રચારમાં વ્યસ્ત છે. આ ફિલ્મમાં તે અનન્યા પાંડે (Ananya pandey) તેમજ ભૂમિ પેડનેકર (bhumi pednekar) સાથે જોવા મળશે. આ ફિલ્મના પ્રમોશનમાં કાર્તિક એવો ખોવાઈ ગયો હતો કે પોતાના પેન્ટની સાઇડ ચેઇન બંધ કરવાનું ભુલી ગયો હતો. અનન્યાએ તેને પોતાના પેન્ટની ચેઇન બંધ કરવાનું કહ્યું હતું. કાર્તિક અને અનન્યાનો આ વીડિયો વાયરલ થયો છે. જોકે કેટલાક લોકો એને પબ્લિસિટી સ્ટન્ટ ગણાવે છે. 

DNAમાં પ્રકાશિત થયેલ સમાચાર પ્રમાણે એક ઇવેન્ટમાં જ્યારે કાર્તિકને સવાલ કરવામાં આવ્યો હતો કે તે પત્ની તરીકે સારા અલી ખાન, કિયારા અડવાણી, નુસરત ભરૂચા તેમજ તારા સુતરિયામાંથી કોની પસંદગી કરશે ત્યારે કાર્તિકે સારા અને કિયારાનું નામ લીધું હતું. નોંધનીય છે કે હાલમાં કાર્તિક અને સારા વચ્ચે બ્રેકઅપના સમાચાર આવ્યા હતા. આ સમાચાર પછી કાર્તિક અને સારા સાથે નથી દેખાયા.