instagram આઇડી બનાવી યુવતીની બિભત્સ તસ્વીરો મુકી બળાત્કારની ધમકી આપનારની ધરપકડ

વડોદરા : વડોદરા શહેરના ન્યૂ સમા રોડ પર રહેતા યુવાને ઇન્સ્ટાગ્રામ આઇડી પર યુવતીના ફોટાનો ઉપયોગ કરીને બીભત્સ તસ્વીરો અપલોડ કરી હતી. ત્યાર બાદ યુવતીને બળાત્કાર કરવાની ધમકીઓ પણ આપી હતી. જેના પગલે ફરિયાદ થતા વડોદરા પોલીસ દ્વારા આરોપી ભાર્ગવ પરમારની ધરપકડ કરીને વધારે કાર્યવાહી કરવામાં આવી હતી.

વડોદરાના સમા વિસ્તારમાં રહેતી વિદ્યાર્થીની શહેરની એક રેસ્ટોરન્ટમાં પાર્ટ ટાઇમ નોકરી કરે છે. દરમિયાન તેણે પોતાના ફોન પર પોતાના જ ફોટાવાળા ડુપ્લિકેટ ઇન્સ્ટાગ્રામ આઇડી પરથી રિકવેસ્ટ આવી હતી. જેમાં તેના બિભત્સ ફોટા એડિટીંગ કરીને મુકવામાં આવ્યા હતા. મેસેજ કરી જણાવ્યું હતું કે, હું તારો બળાત્કાર કરીને તસ્વીરો સોશિયલ મીડિયા પર વાયરલ કરીશ. યુવતીની ફરિયાદના આધારે વડોદરા ક્રાઇમબ્રાંચે સાયબર ક્રાઇમની ટીમે આ ગુનામા સંડોવાયેલા આરોપી ભાર્ગવ પરમારની ધરપકડ કરીને કાયદેસરની કાર્યવાહી હાથ ધરી છે. 

અત્રે ઉલ્લેખનીય છે કે, ઇન્સ્ટાગ્રામ આઇડી પર યુવતીના ફોટાનો ઉપયોગ કરીને બિભત્સ ફોટા અપલોડ કરીને દુષ્કર્મ કરવાની ધમકી આપનાર ભાર્ગવ પરમાર ફરિયાદી યુવતીની સાથે જ નોકરી કરે છે. અગાઉ પણ તેણે યુવતીની છેડતી કરવાનો પ્રયાસ કર્યો હતો. આ અંગે તેણે ઓફીસમાં ફરિયાદ પણ કરી હતી.