મોટી સફળતા : ગુજરાતના વૈજ્ઞાનિકોએ શોધી નાંખ્યું કોરોનાનું જીનોમ, સરકારે કરી જાહેરાત

હિતલ પારેખ/ગાંધીનગર :કોરોના વાયરસ (corona virus) ના બદલાતા લક્ષણો અંગે આજે ગુજરાત સરકાર દ્વારા મોટો ખુલાસો કરવામાં આવ્યો છે. તા તેમણે જણાવ્યું કે, ચીનના વુહનમા જે કોરોના વાયરસ હતો, તેનું ગુજરાતમાં રિસર્ચ કરાયું છે. તેમાં 3 નવા બદલાવ જોવા મળ્યા છે. ગુજરાત બાયોટેક્નોલોજી રિસર્ચ સેન્ટરમાંથી સારા સમાચાર મળ્યા છે. આખરે સેન્ટરે (gujarat biotechnology research centre) કોરોનાનું વંશસૂત્ર શોધી લીધું છે અને તેનું જીનોમ સીકન્સ શોધી લેવાયું છે. તેના કારણે કોરોનાથી જલ્દી જ મુક્તિ મળી શકશે. તો બીજી તરફ, CMOના ટ્વિટર પેજ પર કોરોનાના આ અપડેટ ગુજરાતવાસીઓને આપી દેવાયા છે.

વિશ્વના વાયરસ કરતા ગુજરાતના વાયરસ અલગ
તો આસિસ્ટન્ટ ડાયરેક્ટર માધવી જોશીનું કહેવુ છે કે, જીનોમ સિક્વન્સ એ પ્રથમ પગલું છે, વધુ રિસર્ચ 3 દિશામાં રિસર્ચ થશે. રસી બનાવવામાં શું ફાયદો, વાયરસ ગુજરાતમાં કયા પ્રકારના વધુ છે તે દિશામાં આ સંશોધન ચાલી રહ્યું છે. સમગ્ર વિશ્વમાં મળેલા વાયરસ કરતા ગુજરાતમાં મળેલા વાયરસ અલગ છે. વાયરસ જાતે ટકી રહેવા માટે બદલાવ કરતા હોય છે. બદલાવના કારણ માટે રિસર્ચ વધુ થશે. હાલ નિદાન માટે કીટ બનાવવાનો પ્રયાસ ચાલુ છે. પણ રિસર્ચથી એ પણ જાણી શકાશે કે, વાયરસમાં કઈ દવા ઉપયોગ થઈ શકે છે.