ગુજરાત કોંગ્રેસે ચૂંટણી પંચમાં કરી ફરિયાદ, પંચે અમદાવાદ કલેક્ટર પાસે માંગ્યો રિપોર્ટ

નવી દિલ્હી: દેશમાં સાત તબક્કામાં લોકસભાની ચૂંટણી થઈ રહી છે. આજે ત્રીજા તબક્કાનું મતદાન છે. સવારે સાત વાગ્યાથી મતદાનની પ્રક્રિયા શરૂ થઈ ગઈ છે. જે સાંજે 6 વાગ્યા સુધી  ચાલશે. જેમાં 15 રાજ્યોની 117 બેઠકો પર મતદાન યોજાઈ રહ્યું છે. આ રાજ્યોમાં ગુજરાત, કેરળ, ગોવા, કર્ણાટક, છત્તીસગઢ, આસામ, દાદરા નાગરહવેલી, દમણ અને દીવની લોકસભા બેઠકો પર મતદાન થઈ રહ્યું છે. ગુજરાતની તમામ 26 લોકસભા બેઠકો માટે મતદાન છે. વડાપ્રધાન નરેન્દ્ર મોદીનું ગૃહ રાજ્ય હોવાના કારણે ભાજપ તમામ બેઠકો પર જીત મેળવવાની આશા રાખીને બેઠો છે. જ્યારે કોંગ્રેસ તેના સ્ટાર પ્રચારક હાર્દિક પટેલ પર મદાર રાખીને બેઠી છે. અલ્પેશ ઠાકોરે હમણા જ કોંગ્રેસ છોડી જ્યારે વિધાનસભા ચૂંટણીમાં પ્રદેશમાં કોંગ્રેસની પક્કડ મજબૂત કરવામાં મદદ કરનાર જિજ્ઞેશ મેવાણી આ વખતે ચૂંટણી રેસમાં છે જ નહીં. રાજ્યોમાં મતદારોના મનમાં શું છે તે તો 23મી મેના રોજ પરિણામ જાહેર થશે ત્યારે જ ખબર પડશે. 

કોંગ્રેસે કરી ચૂંટણી પંચમાં ફરિયાદ
વડાપ્રધાન નરેન્દ્ર મોદીના રાણીપ મતદાન સમયે મુકવામાં આવેલા પોસ્ટર અને બેનર સામે કોંગ્રેસ દ્વારા ચૂંટણી પંચમાં ફરિયાદ દાખલ કરવામાં આવી છે. જેને લઈને ચૂંટણી પંચે અમદાવાદ કલેક્ટર પાસે માંગ્યો રિપોર્ટ માગ્યો છે. કોંગ્રેસે 25થી વધુ આચાર સંહિતા ભંગની ફરિયાદ કરી છે.

નાણામંત્રી અરુણ જેટલીએ અમદાવાદમાં કર્યું મતદાન
નાણામંત્રી અરુણ જેટલીએ પણ અમદાવાદ ખાતે મતદાન કરીને પોતાની ફરજ બજાવી

શક્તિ સિંહે આપ્યું નિવેદન- સેનાના નામે મત ન માંગી શકાય
કોંગ્રેસના નેતા શક્તિ સિંહ ગોહીલે કહ્યું કે, આખરે જનતા જનાર્દન મહાન છે. ગમે તે મોટી સત્તામાં બેઠો હોય, અહંકાર હોય, પરંતુ પાંચ વર્ષ પૂરા થાય ત્યારે જનતાની અદાલતમાં હાજર થવું પડતું હોય છે. બંધારણ મુજબ જનતા નક્કી કરતી હોય છે કે નવું સુકાન કોને આપવું. આજે ખુબ મહત્વનો દિવસ છે. ગુજરાતીઓ ખુબ સૂજબુજવાળા હોય છે. મને વિશ્વાસ છે કે જેમ વેપારીઓ નવા વર્ષ પછી ચોપડાપૂજન કરે ત્યારે જે રીતે સમવૈયું માંડે છે, તેમ આ પાંચ વર્ષના ભારતીય જનતા પાર્ટીના શાસનના લેખાજોખા જનતા કરશે. જે રીતે સપનાના સોદાગર બનીને ખ્વાબની બારિશ કરી હતી.... દેશની ફૌજ પર બધાને નાઝ છે. સેનાના નામે, આતંકવાદના નામે, બીજાની ટિકા ટીપ્પણીના નામે નહીં, પણ સરકારે કરેલા કામોની સમીક્ષા કરીને જનતા વોટ કરશે તેમ મારું માનવું છે. દેશની સુરક્ષા સેના કરે છે, સેનાના નામે મત ન માંગી શકાય.  

પીએમ મોદીના માતા હીરાબાએ રાયસણ ખાતે કર્યું મતદાન
પીએમ મોદીના માતા હીરાબાએ ગાંધીનગરના રાયસણના મતદાન મથકે જઈને પોતાના મતાધિકારનો ઉપયોગ કર્યો. તેમની સાથે પીએમ મોદીના નાના ભાઈ પંકજ મોદી પણ હાજર હતાં. 

ગુજરાત (26 લોકસભા સીટ- તમામ બેઠકો પર એકસાથે મતદાન)
કચ્છ, બનાસકાંઠા, પાટણ, મહેસાણા, સાબરકાંઠા, ગાંદીનગર, અમદાવાદ પૂર્વ, અમદાવાદ પશ્ચિમ, સુરેન્દ્રનગર, રાજકોટ, પોરબંદર, જામનગર, જૂનાગઢ, અમરેલી, ભાવનગર, આણંદ, ખેડા, પંચમહાલ, દાહોદ, વડોદરા, છોટા ઉદેપુર, ભરૂચ, બારડોલી, સુરત, નવસારી અને વલસાડ. 

જુઓ LIVE TV