આત્મહત્યાનો હચમચાવી દે તેવો કિસ્સો, 3 વર્ષની દીકરીને પાંચમા માળથી ફેંક્યા બાદ માતાએ છલાંગ લગાવી

ચેતન પટેલ/સુરત :સુરતમાં ફરી એકવાર દિલ ધડકાવી દે તેવો બનાવ બન્યો છે. સુરત (surat) ના પર્વતપાટિયા રુદ્રમની એપાર્ટમેન્ટમાં એક માતાએ સૌથી પહેલા 3 વર્ષની દીકરીને પાંચમા માળથી ફેંકી, અને ત્યાર બાદ પોતે પણ આપઘાત (suicide) કર્યો હતો. માતા અને માસુમ દીકરીનું ઘટના સ્થળે પર જ મોત નિપજ્યું હતું. જોકે, માતાએ કયા કારણોસર આ પગલુ લીધું છે તે જાણી શકાયું નથી. ઘટના બાદ પોલીસે સ્થળ પર પહોંચીને તપાસ હાથ ધરી છે. 

પ્રાથમિક તપાસમાં જાણવા મળ્યું કે, આત્મહત્યા કરનાર મહિલાનું નામ કોમલ સોમાની (ઉંમર 30 વર્ષ) છે. તેના પતિનું નામ આશિષ સોમાની છે. કોમલ સોમાનીએ કયા કારણોસર 3 વર્ષની દીકરી મિસ્ટી સાથે આત્મહત્યાનું પગલુ ભર્યું તે અંગે તપાસ થઈ રહી છે. જોકે, પોલીસને પારિવારિક ઝઘડાની શક્યતા છે. 

ગુજરાતના વધુ સમાચાર જોવા ક્લિક કરો અહીં.....