SC-ST ઉમેદવારોને વધુ 10 વર્ષ અનામતનો લાભ મળશે, કેબિનેટે આપી લીલી ઝંડી

નવી દિલ્હી: કેન્દ્રની મોદી સરકાર (Modi Government) ની કેબિનેટ બેઠકમાં 6 મહત્વના બિલોને લીલી ઝંડી મળી ગઈ. જેમાં સૌથી મહત્વના બિલમાં નાગરિકતા સંશોધન બિલ (Citizenship Amendment Bill (CAB), એસસી-એસટી (SC-ST) ને અનામત અને સીનિયર સિટિઝન એમેન્ડમેન્ટ બિલ (Citizenship Amendment Bill)ને મંજૂરી અપાઈ. કેન્દ્રીય મંત્રી પ્રકાશ જાવડેકરે ( Prakash Javadekar) પ્રેસ કોન્ફરન્સ કરીને આ જાણકારી આપી. તેમણે કહ્યું કે નાગરિકતા સંશોધન બિલને કેબિનેટની મંજૂરી મળી ગઈ છે અને તેને જલદી સંસદમાં રજુ કરવામાં આવશે. 

અનામત (Reservation) મળે છે તેમાં દર 10 વર્ષ બાદ વધારો કરવો પડે છે. આ વખતે પણ સરકારે એસસી-એસટી (SC-ST) અનામતના સમયગાળાને 10 વર્ષ માટે વધારવાનો નિર્ણય લીધો છે. અત્રે જણાવવાનું કે આ અનામત 2020માં પૂરી થઈ રહી હતી જેને હવે 2030 સુધી વધારવામાં આવી છે. 

જાવડેકરે જણાવ્યું કે કેબિનેટે સિટિઝન એમેન્ડમેન્ટ બિલને પણ મંજૂરી આપી દીધી છે. તેમણે કહ્યું કે સીનિયર સિટિઝનને તમામ સુવિધાઓ ઉપલબ્ધ કરાવવા માટે કેબિનેટે સીનિયર સિટિઝન એમેન્ડમેન્ટ બિલને લીલી ઝંડી આપી દીધી છે.