Farmers Protest: સિંધુ બોર્ડર પહોંચેલા કેજરીવાલે કહ્યુ- ભાજપે માનવી પડશે કિસાનોની વાત

નવી દિલ્હીઃ દિલ્હીના મુખ્યમંત્રી અરવિંદ કેજરીવાલે કેન્દ્ર સરકાર પર કિસાનોના હિતોને નજરઅંદાજ કરવાનો આરોપ લગાવતા તેને નવા કૃષિ કાયદા પર કિસાન નેતાઓ સાથે ડીબેટ કરવાનો પડકાર ફેંક્યો છે. નાયબ મુખ્યમંત્રી મનીષ સિસોદિયાની સાથે રવિવારે સાંજે સિંધુ બોર્ડર પર પહોંચેલા કેજરીવાલે કેન્દ્ર સરકાર પર કિસાનોની ખેતી છીનવાના પ્રયાસનો ગંભીર આરોપ લગાવ્યો છે. તેમણે ત્રણેય કૃષિ કાયદા પરત લેવાની માગ કરી છે અને તે વાત પર દુખ વ્યક્ત કર્યું કે કિસાનોને રાષ્ટ્રદ્રોહી કહેવામાં આવી રહ્યાં છે. 

ત્રણેય કૃષિ કાયદાને પરત લેવાની અપીલ
દિલ્હીના સીએમે કહ્યું, 'હું કેન્દ્ર સરકારને અપીલ કરુ છું કે તેમની વાત સાંભળી કૃષિના ત્રણેય કાયદાને પરત લેવામાં આવે. કિસાનોને રાષ્ટ્રદ્રોહી કહેવામાં આવી રહ્યાં છે, જો કિસાન રાષ્ટ્રદ્રોહી થઈ ગયા તો તમારૂ પેટ કોણ ભરશે? કિસાનોની ખેતી જતી રહી તો કિસાન ક્યાં જશે? કિસાનોની પાસે શું વધશે? તેમણે વિપક્ષ પર કિસાનોને ગેરમાર્ગે દોરવાના આરોપો પર પણ પલટવાર કર્યો છે.'

કિસાનોની ખેતી છીનવી મૂડીપતિઓને આપવા ઈચ્છે છે સરકાર
સિંધુ બોર્ડરની પાસે ગુરૂ તેગ બહાદુર સ્મારક પહોંચેલા કેજરીવાલે કેન્દ્ર સરકાર પર નવા કૃષિ કાયદા દ્વારા કિસાનો પાસે તેની ખીતીની જમીન છીનવવાનો આરોપ લગાવ્યો હતો. તેમણે કહ્યું, 'આ ત્રણ કાયદા લાવ્યા છે, આ ત્રણેય કાયદા દ્વારા તે તેની ખેતી છીનવવા ઈચ્છે છે. તેની ખેતી તેના બે-ત્રણ મૂડીવાદી મિત્રોને આપવા ઈચ્છે છે. જો કિસાનોની ખેતી જતી રહેશે તો કિસાન ક્યાં જશે.'